’டாக்டர்’ விமர்சனம்

Directed by : நெல்சன்

Casting : சிவகார்த்திகேயன், பிரியங்கா மோகன், அர்ச்சனா, யோகி பாபு, வினய், அருண் அலெக்சாண்டர்

Music :அனிருத்

Produced by : KJR and SK புரொடக்ஷ்ன்ஸ்

PRO : ரியாஸ்

Review :

அப்பாவி சிறுமிகளை கடத்தி விற்கும் ஹியூமன் ட்ராபிக்கிங் நெட்வொர்க் நடத்தி வருபவர் வினய். இந்த நெட்வொர்க்கை பிடிக்க களமிரங்கும் ஒரு டாக்டர் அதில் வெற்றி பெற்றாரா இல்லையா, என்பது தான் ‘டாக்டர்’ படத்தின் கதை.

டாக்டர் வருணாக வரும் சிவகார்த்திகேயன் நடிப்பில் அசத்தியிருக்கிறார். காமெடி ஹீரோவாக தொடங்கி ஆக்சன் ஹீரோவாக தன்னை மாற்றி கொண்டு வரும் சிவகார்த்திகேயனை புதியதொரு அவதாரம் எடுத்துள்ளார். பல இடங்களில் நம்மை குலுங்கி குலுங்கி சிரிக்க வைக்கிறார்.

சிவகார்த்திகேயனுக்கு ஜோடியாக பிரியங்கா மோகன் நடித்துள்ளார். வழக்கம்போல் அழகான நாயகியை அறிவில்லாதவராக காட்டும் கமர்ஷியல் கதாநாயகியாக பிரியங்கா மோகன் நடித்திருந்தாலும் முதல் படத்திலேயே தனக்கு காமெடியும் வரும் என்பதை நிரூபித்திருப்பவர், கொடுத்த வேலையை குறையில்லாமல் செய்திருக்கிறார்.

‘கோலமாவு கோகிலா’ மூலம் தமிழ் சினிமாவில் அறிமுகமான நெல்சன் திலீப்குமாருக்கு இது இரண்டாவது படம். நெல்சன் தனது முந்தைய படத்தை போலவே காமெடி காட்சியில் கலக்கி இருக்கிறார். மிக மிக சீரியஸான காட்சிகளிலும் காமெடியைத் தூவி இயக்குநர் சிரிக்க வைத்திருக்கிறார்.

அனிருத்தின் பின்னணி இசை அனிருத் பின்னணி இசையில் கதையோட்டத்துக்கு ஏற்ப தெறிக்க விடுகிறார். படத்திற்கு பெரிய பலம் சேர்க்கிறது. குறிப்பாக செல்லம்மா பாடல் ரசிக்க முடிகிறது. படம் நெடுக, தன் பின்னணி இசையாலும் பாடல்களாலும் ரசிகர்களுக்கு ஃபுல் ட்ரீட் கொடுத்துள்ளார் அனிருத்.

வில்லன் வினய் அதிரடி வில்லனாக இல்லாமல் அமைதியான வில்லனாக காணப்படுகிறார்.

யோகி பாபு, நீண்ட நாட்களுக்குப் பிறகு ரசிகர்களை தனது கவுண்டர்கள் மூலம் குஷிப்படுத்தியிருக்கிறார். ரவி மற்றும் யோகி பாபுவின் ஒன்லைனில் திரையரங்கமே அதிர்கிறது. அருண் அலெக்சாண்டர், தீபா, இளவரசு போன்றோர்களின் காமெடியும் படத்தில் செம்மையாக ஒர்க்அவுட் ஆகியுள்ளது.

படத்தில் முதல் அரைமணி நேரம் மெதுவாக நகர்கிறது. அதன்பின் டாப் கியரில் செல்கிறது.

ஒளிப்பதிவாளர் விஜய் கார்த்திக் கண்ணன், காட்சிகளை பிரம்மாண்டமாகவும், கதாப்பாத்திரங்களை அழகாகவும் காட்டியிருக்கிறார்.

‘பொய் சொல்லப் போறோம்’,‘கேங் லீடர்’ போன்ற படங்களின் சாயல் தெரிகிறது. வசனங்கள் மூலம் பெண்களை இழிவுபடுத்துவதுபோல் உள்ளது. அதை தவிர்த்திருக்கலாம் லாஜிக்கை கண்டுகொள்ளாமல் பயணிக்கும் திரைக்கதையும் சட்டென முடியும் க்ளைமாக்ஸும் மைனஸ்.