சற்று முன்

'இனிமேல்' ஆல்பம் ரிலீஸில் கைதி 2 அப்டேட் தெரிவித்த லோகேஷ் கனகராஜ்   |    இப்போது டிஸ்னி+ ஹாட்ஸ்டாரில் ஸ்ட்ரீமாகி வருகிறது 'ஆபிரகாம் ஓஸ்லர்'!   |    அறிமுக இயக்குநர் செல்வ குமார் திருமாறன் இயக்கும் அற்புதமான ஃபீல் குட் எண்டர்டெயினர் படம்!   |    தனது அடுத்த முயற்சியாக திரைப்பட தயாரிப்பில் களமிறங்கும் Behindwoods   |    டிரெய்லர் வெளியானபோதே திரையுலகிலிருந்து, பலர் போன் செய்து திட்டினார்கள் - நடிகர் கலையரசன்   |    பாலாஜி தேர்ந்த அரசியல்வாதி அளவு, மிக தேர்ச்சிபெற்ற பேச்சாளர் - நடிகர் ஜெகன்   |    பெரும் மகிழ்ச்சியில் இயக்குநர் ராஜேஷ்.M !!   |    பன்முகத் திறமையின் உருவகம், ஈடு இணையற்ற மனிதர் ஃபஹத் ஃபாசில் - எஸ்.எஸ்.கார்த்திகேயா   |    திகில் நாடகத் தொடரான இன்ஸ்பெக்டர் ரிஷியின் டிரெய்லரை பிரைம் வீடியோ வெளியிட்டது   |    மக்கள் செல்வன் விஜய் சேதுபதி வெளியிட்ட 'திருட்டு பாடம்' டீஸர்   |    காடு எனக்குக் கடவுளை விட மிகவும் பிடிக்கும் - நடிகை ஆண்ட்ரியா   |    பழிவாங்குதலின் பரிமாணங்களைப் புதிய திரை அனுபவமாக உணரும் வகையில் 'கங்கணம்'   |    நித்யா மேனன் நடிக்கும் புதிய படத்தின் அறிவிப்பு வெளியாகி உள்ளது   |    திரையுலக பிரபலங்களின் முன்னிலையில் கோலாகலமாக நடைபெற்ற 'பைக் டாக்சி' பூஜை!   |    இயக்குநர் லோகேஷ் கனகராஜுடன் இரண்டாவது முறையாக இணைந்துள்ள RKFI   |    இயற்கையின் ஆசியில் திகட்டாத காதல் காவியமாக உருவாகும் 'ஆலன்'   |    ‘இன்ஸ்பெக்டர் ரிஷி’ இல் இடம்பெற்ற முதுகுத்தண்டை சில்லிடச்செய்யும் இசை தொகுப்பு வெளியானது   |    திகில் நிறைந்த க்ரைம் டிராமா “இன்ஸ்பெக்டர் ரிஷி” அமேசான் பிரைமில் வெளியாகிறது   |    ரெபெல் ஸ்டார் பிரபாஸிற்கு முதலிடம்!   |    யுடியுபரக்கு எதிராக கண்டன அறிக்கை வெளியிட்ட ‘96’ பட இயக்குநர் பிரேம் குமார்   |   

croppedImg_178769968.jpeg

'காலேஜ் குமார்' திரை விமர்சனம்

Directed by : Hari Santhosh

Casting : Prabhu, Ragul Vijay, Madhubala, Priya Vatlamani, Nazar, Manobala

Music :Kuthup E Krupa

Produced by : MR Pictures - L Padmanabha

PRO : Diamond Babu

Review :

சரியாக படிக்க முடியாமல், அலுவலகம் ஒன்றில் பியூனாக பணிபுரியும் பிரபு, தனது நண்பருடன் போட்ட சவாலுக்காக தனது மகனை, படிப்பில் முதலாவதாக வர வைக்க வேண்டும், என்று சிறு வயது முதல் அவருக்கு படிப்பை தவிர வேறு எதிலும் ஆர்வம் போகக்கூடாது, என்று அழுத்தம் கொடுத்து வருகிறார். அப்பாவின் ஆசைக்காக, படிப்பது போல நடிக்கும் ராகுல் விஜய், ஒரு கட்டத்தில் கல்லூரியில் இருந்தே நீக்கப்படுகிறார். இதனால், மகன் மீது பிரபு கோபப்பட, அவரது மகனோ, “நான் உங்களுக்கு பணம் கட்டுகிறேன், நீங்கள் படித்து முதலிடத்திற்கு வர முடியுமா?” என்று கேட்க, பிரபு அதை ஏற்று கல்லூரியில் படிக்க தொடங்குகிறார். இறுதியில் அவர் சவாலில் ஜெயித்தாரா இல்லையா, என்பது தான் கதை.

 


 
படத்தின் ஹீரோ ராகுல் விஜய், தமிழிக்கு அறிமுகம் என்றாலும், முதல் படம் என்பது தெரியாத வகையில் கச்சிதமாக நடித்திருக்கிறார். டான்ஸ், ஆக்‌ஷன், காமெடி என்று கமர்ஷியல் ஹீரோவுக்கு தேவையான அனைத்து தகுதிகளும் கொண்டவராகவும் இருக்கிறார். 

 

 
ஹீரோவுக்கு அப்பா என்றாலும், பிரபுவும் படத்தில் ஒரு ஹீரோ தான். நண்பனிடம் போட்ட சவாலுக்காக, மகனை படி...படி...என்று சொல்லும் பிரபு, அதே மகனிடம் போட்ட சவாலுக்காக, கல்லூரிக்கு சென்று படிப்பது காமெடியாக இருந்தாலும், ஒவ்வொரு பெற்றோர்களின் கனவையும் பிரதிபலிப்பது போலவும் இருக்கிறது. ஆரம்பத்தில் சாதாரண மிடில் கிளாஸ் அப்பாவாக வெகுளித்தனமான நடிப்பால் அசத்தும் பிரபு, கல்லூரி மாணவரான பிறகு, கெட்டப்பை மாற்றி செய்யும் யூத் சேட்டைகளும் ரசிக்க வைக்கிறது.
 

 


ஹீரோயினாக நடித்திருக்கும் பிரியா வட்லமணி குறைவான போர்ஷனில் வந்து போகிறார். பிரபுவின் மனைவியாக நடித்திருக்கும் மதுபாலா, நடிப்பு மீது பேரார்வம் மிக்கவராக இருக்கிறார், என்பது அவரின் ஓவர் ஆக்டிங்கில் அப்பட்டமாக தெரிகிறது.
 

 


நாசர், மனோபாலா, சாம்ஸ் என்று மற்ற நடிகர்களும் தங்களது வேலையை கச்சிதமாக செய்திருக்கிறார்கள்.

 


 
இசையமைப்பாளர் குதூப் ஈ க்ருபாவின் இசையில் பாடல்களும், பின்னணி இசையும் சுமார் ரகம் என்றாலும், படத்திற்கு பொருத்தமானதாக இருக்கிறது. ஒளிப்பதிவாளர் குரு பிரசாத் ராய், கதைக்கு ஏற்ப பணியாற்றியிருக்கிறார்.

 


 
பெற்றோர்கள் பிள்ளைகளுக்கு அழுத்தம் கொடுக்காமல், அவர்களின் போக்கில் விட்டால், நிச்சயம் அவர்களும் சமூகத்தில் பெரிய மனிதர்களாக வருவார்கள், என்பதை பதிவு செய்திருக்கும் இயக்குநர் ஹரி சந்தோஷ், பிள்ளைகளின் படிப்புக்காக பெற்றோர்கள் எப்படி சிரமப்படுகிறார்கள், என்பதையும் அழுத்தமாக பதிவு செய்திருக்கிறார். 

 


 
முதல் மதிப்பெண் எடுப்பவர்கள் மட்டுமே, உயரத்திற்கு செல்ல முடியும், என்ற சில பெற்றோர்களின் தவறான கண்ணோட்டத்தை மாற்றும் விதத்தில், பல காட்சிகளை வைத்திருக்கும் இயக்குநர், தங்களிடம் இருக்கும் திறமையை அறிந்து உழைத்தால், உயரத்திற்கு செல்லலாம், என்ற நல்ல மெசஜையும் சொல்லியிருக்கிறார்.

 


ஃபேமிலி டிராமா ஜானர் படம் என்றாலே, சீரியல் போல சில காட்சிகள் இருக்கத்தான் செய்யும், இந்த படத்திலும் அப்படி ஒரு குறை இருந்தாலும், இயக்குநர் ஹரி சந்தோஷ், சொல்லியிருக்கும் மெசஜுக்காக இந்த படத்தை ஒரு முறையாவது பார்க்க வேண்டும்.

 

"காலேஜ் குமார்" படத்திற்கு மதிப்பீடு 3/5

 

 

Verdict : கண்டிப்பாக குடும்பத்துடன் பார்க்கவேண்டிய படம்

மேலும் திரைப்பட விமர்சனம்

  • WORLD TAMIL
  • |
  • CINEMA