Review :

கே.வி.ஆனந்த் இயக்கத்தில் சூர்யா வெளிவந்துள்ள படம் காப்பான். இந்த படத்தில் சூர்யா, மோகன் லால், ஆர்யா, சாயிஷா உள்ளிட்ட பலர் நடித்துள்ளனர்.  இசை ஹாரிஸ் ஜெயராஜ்.

நாட்டு மக்களுக்கு நல்லதை செய்ய நினைக்கும் பிரதமராக மோகன்லால் நடித்திருக்கிறார். அவரை கொல்ல சதிவேலை நடக்கிறது. மோகன்லாலுக்கு சூர்யா பாதுகாப்பு அதிகாரியாக நியமிக்கப்படுகிறார். ஒருகட்டத்தில் தீவிரவாதிகளால் கொல்லப்படுகிறார். பிறகு அரசியல் வாரிசாக அவருடைய மகனான ஆர்யா பதவியேற்கிறார். அவரையும் கொல்ல சதி நடக்கிறது. அந்த சதியை சூர்யா முறியடித்தாரா? கொலையாளியை கண்டுபிடித்தாரா? என்பதுதான் கதை. 

கமர்சியல் படங்களை கொடுப்பதில் கைதேர்ந்தவர் கே.வி. ஆனந்த். அதை இந்த படத்திலும் நிரூபித்திருக்கிறார்.

விவசாயம், அரசியல், நாட்டுப்பற்று, தந்திரம், பாகிஸ்தான், பாதுகாப்பு, காதல், பாசம், போராட்டம், என அனைத்தையும் ஒரேகலவையாக போர் அடிக்காமல் கரெக்ட்டாக கையாண்டிருக்கிறார் கே.வி.ஆனந்த். அடுத்து என்ன அடுத்து என்ன என்ற எதிர்பார்ப்போடு படம் நகர்கிறது. 

படத்தில் சூர்யாவின் நடிப்பு அபாரம். வழக்கம் போல் அந்த கரெக்ட்டராகவே மாறி வாழ்ந்திருக்கிறார் என்றே சொல்லவேண்டும்.
என்ஜிகே திரைப்படம் தோல்வியை தழுவியிருந்தாலும் இந்த படம் கண்டிப்பாக சூர்யாவுக்கு மிக பெரிய வெற்றியை தரும். 

ஆர்யா வழக்கம்போல் ஜாலிமேனாக நடித்திருக்கிறார். பிரதமர் மகனாக வலம் வரும் ஆர்யா செம்மையாக நடித்திருக்கிறார். கார்ப்பரேட் முதலாளியாக வரும் பொம்மன் இரானியை எதிர்த்து குரல் கொடுப்பதும் சவால் விடுவதும் ஆர்யாவின் நடிப்பு தூள். 

வில்லன் நடிகராக வரும் வட இந்திய ஆள் துப்பாக்கி வித்யூ ஜமால் போல் மிரட்டுகின்றார். ஆனால், அதற்காக துப்பாக்கி போலவே பல காட்சிகள் இருப்பது தவிர்க்க முடியவில்லை.

பிரதமருக்கு செக்ரெட்டரியாக வரும் சாயீஷா சூர்யாவுக்கு ஜோடியாக அவ்வப்போது ஆடிபாடுகிறார் மற்றபடி சொல்லும்படியாக நடிப்பு ஒன்றும் இல்லை.

கார்ப்பரேட் முதலாளியாக வரும் பொம்மன் இரானி அமைதியாக பேசி வில்லத்தனத்தை காண்பிக்கும் கதாபாத்திரம் கன கட்சிதமாக பொருந்தியிருக்கிறார். 

ஹாரிஸ் ஜெயராஜின் இசை நன்றாக வந்துள்ளது. பின்னணி இசையில் கலக்கி இருக்கிறார். 

முதல் பாதியில் இரட்டை அர்த்த வசனங்களை தவிர்த்திருக்கலாம். 

காப்பான் படத்திற்கு மதிப்பீடு 3/5

Verdict : தற்போதைய சூழலுக்கு ஏற்ற ஒரு நல்ல கமர்சியல் படம்