சற்று முன்

நடிகை ஸ்ரீதேவியின் அடிச்சுவடுகளைப் பின்பற்றும் நடிகை ஜான்வி கபூர்!   |    விஜய்குமார் ஜோடியாக 'அயோத்தி' படப் புகழ் நடிகை ப்ரீத்தி அஸ்ராணி நடிக்கும் 'எலக்சன்'   |    சமத்துவம், சமூக நீதி, பாலின சமத்துவம் எல்லாம் சேரும் போது சமுதாயம் உயரும் - இயக்குநர் ரோஹந்த்   |    மகள் பெயரில் தயாரிப்பாளர் ஞானவேல்ராஜா தொடங்கியுள்ள புரொடக்ஷன் ஸ்டுடியோ!   |    விற்பனையில் சாதனைப் படைத்த நாவலான ‘ஆடுஜீவிதம்’ கதையை அடிப்படையாகக் கொண்ட படம்   |    அஞ்சலி மேனன் மற்றும் வருங்கால இயக்குனர்களுடன் கை கோர்க்க இருக்கும் KRG!   |    மீண்டும் வெளியாகும் ஜீவா நடிப்பில் உருவான ‘கோ’ திரைப்படம்!   |    சுஷ்மிதா சென் மற்றும் ஓப்ரா வின்ஃப்ரேவை இன்ஸ்பிரேஷனாக கூறும் புது கதாநாயகி!   |    அனைவருக்கும் தெரிய வேண்டுமென 40 கோடியில் இப்படத்தை எடுத்துள்ளார் - நடிகர் பாபி சிம்ஹா   |    IPLக்கு பிறகு CCL தான் அதிக அளவு பார்வையாளர்களால் பார்க்கப்படும் ஒரு கிரிக்கெட் போட்டியாகும்.   |    ஶ்ரீகாந்த் தேவா இசையில் பக்திப்பாடல் 'கருப்பன் எங்க குலசாமி' - அமைச்சர் பாராட்டி வெளியிட்டார்   |    அவர்களிடம் இருந்து தமிழ் சினிமாக்காரர்கள் கற்றுக்கொள்ள வேண்டும் - ஆர் வி உதயகுமார்   |    அமைச்சருக்கு நன்றி தெரிவித்துள்ள தமிழ் திரைப்பட தயாரிப்பாளர்கள் சங்கம்!   |    கதையின் நாயகனாக கவுண்டமணி மற்றும் யோகி பாபு நடிக்கும் படத்தின் படப்பிடிப்பு முடிந்தது!   |    நல்ல சிந்தனை கொண்ட சாமானியனைப் பற்றிய கதையின் ஃபர்ஸ்ட் லுக் வெளியானது!   |    பெர்லின் சர்வதேச திரைப்பட விழாவில் கலந்து கொண்ட நடிகர் அல்லு அர்ஜூன்   |    பிரபல பாடகர்-இசையமைப்பாளர் தயாரிப்பில் ’நல்ல பேரை வாங்க வேண்டும் பிள்ளைகளே’!   |    74ஆவது பெர்லின் சர்வதேச திரைப்பட விழாவில் ‘புஷ்பா- தி ரைஸ்’   |    டிரெண்டி & ஃபேஷனபிள் தோற்றத்தில் ரசிகர்களை உற்சாகப்படுத்தும் நடிகை சஞ்சனா நடராஜன்!   |    பிக் பாஸ் புகழ் வருண் கதாநாயகனாக நடித்துள்ள படத்தின் வெளியீட்டு தேதி வெளியானது   |   

croppedImg_97271291.jpeg

’லால் சலாம்’ விமர்சனம்

Directed by : Aishwarya Rajinikanth

Casting : Rajinikanth, Vishnu Vishal, Vikranth, Anandhika Sanilkumar, Senthil, Thambi Ramaiah, Jeevitha, Moonar Ramesh

Music :AR Rahman

Produced by : Lyca Productions - Subaskaran

PRO : Riaz K Ahamed

Review :

"லால் சலாம்" ஐஸ்வர்யா ரஜினிகாந்த் இயக்கத்தில் லைக்கா புரோடக்ஷன்ஸ் - சுபாஷ்கரன் தயாரிப்பில் உருவாகியிருக்கும் இந்த படத்திற்கு இசை ஏ.ஆர். ரஹ்மான். இந்த படத்தில் ரஜினிகாந்த், விஷ்ணு விஷால், விக்ராந்த், ஆனந்திகா சனில்குமார், செந்தில், தம்பி ராமையா, ஜீவிதா, மூணார் ரமேஷ் மற்றும் பலர் நடித்துள்ளனர்.  

 

கள்ளக்குறிச்சி அருகே உள்ள மூரார்பாத் என்ற கிராமத்தில் இஸ்லாமியர்களும், இந்துக்களும் ஒற்றுமையாக வாழ்கிறார்கள். அரசியல் காரணங்களுக்காக இவர்களை பிளவுப்படுத்த நினைப்பவர்கள், அதற்காக அந்த ஊர் இளைஞர்கள் மற்றும் அவர்களுக்கு பிடித்த கிரிக்கெட் விளையாட்டை பயன்படுத்தி ஊரில் கலவரத்தை ஏற்படுத்துகிறார்கள். இதனால், இரு தரப்பும் மோதலில் ஈடுபட்டு பிரிந்துபோக, பிறகு அவர்கள் ஒன்று சேர்ந்தார்களா?  இல்லையா?, என்பதே படத்தின் மீதிக்கதை.

 

சிறப்பு தோற்றத்தில் நடித்திருக்கும் ரஜினிகாந்த், தனது மகளுக்காக தான் இந்த படத்தில் நடித்தார் என்பது அனைவரும் அறிந்தது தான், அதற்காக தனது மேக்கப்பில் கூட கவனம் செலுத்தாமல் நடித்திருக்கிறார். அவர் நாயகனாக நடிக்கும் படங்களில், தந்தை வேடத்தில் நடித்திருந்தாலும், அவரை திரையில் சிறப்பாக காட்டுவதற்காக படக்குழு அதிகம் மெனக்கெடும். ஆனால், இந்த படத்தில் ரஜினிக்கு என்ன ஆச்சு? என்று பார்வையாளர்கள் கவலைக்கொள்ளும் விதத்தில் அவருடைய தோற்றம் இருக்கிறது. இருந்தாலும், அவர் வரும் காட்சிகளை ரசிகர்கள் நிச்சயம் கொண்டாடுவார்கள். மதத்தின் மூலம் மக்களிடம் பிரிவிணையை ஏற்படுத்த நினைப்பவர்களுக்கு எதிராகவும், இஸ்லாமியர்களுக்கு ஆதரவாகவும் ரஜினிகாந்த் பேசும் வசனங்கள் கைதட்டல் பெறுகிறது.

 

விஷ்ணு விஷால் மற்றும் விக்ராந்த் கதையின் நாயகர்களாக நடித்திருக்கிறார்கள். இருவம் கிரிக்கெட் விளையாடக் கூடியவர்கள் என்பதற்காக தேர்வு செய்யப்பட்டிருக்கிறார்கள். கிரிக்கெட் விளையாட்டை தாண்டி இருவருமே இயல்பாக நடித்திருக்கிறார்கள். அதிலும், விக்ராந்தின் உணர்வுப்பூர்வமான நடிப்பு பாராட்டும்படி இருக்கிறது. விஷ்ணு விஷாலுக்கு அதிக வாய்ப்புகள் இருந்தாலும், சில இடங்களில் சரியாக நடிக்க தெரியாமல் தடுமாறியிருக்கிறார்.

 

நாயகியாக நடித்திருக்கும் அனந்திகா சனில்குமாருக்கு பெரிய வேலை இல்லை, ஒரு பாடலுக்கும் சில காட்சிகளுக்கும் பயன்படுத்தப்பட்டிருக்கிறார். விஷ்ணு விஷாலின் அம்மாவாக நடித்திருக்கும் ஜீவிதா, செந்தில், தம்பி ராமையா, மூணார் ரமேஷ், விவேக் பிரசன்னா உள்ளிட்ட மற்ற வேடங்களில் நடித்திருப்பவர்கள் திரைக்கதைக்கு பலம் சேர்க்கும் வகையில் நடித்திருக்கிறார்கள்.

 

நடிகை நிரோஷா முதல் முறை ரஜினியுடன் நடித்திருக்கிறார். அவருக்கு கொஞ்சம் நல்ல கதாபாத்திரமாக கொடுத்திருக்கலாம். செட்டில் ஒரு செட் ப்ராபர்ட்டி போல் பயன்படுத்தி இருக்கிறார்கள்.  

 

இசை ஏ.ஆர்.ரஹ்மான், அவர்தான் இசையமைத்தாரா என்று சந்தேகப்படும்படி உள்ளது இசை. அந்த அளவுக்கு மிக சாதாரணமாக இசை பயணிக்கிறது. பாடல்கள் மற்றும் பின்னணி இசை இரண்டுமே மிக மிக சுமார் ரகம்.

 

ஒளிப்பதிவாளர் விஷ்ணு ரங்கசாமி கிராமத்தையும், அங்கு நடக்கும் கோவில் திருவிழாவையும் இயல்பாக படமாக்கியிருப்பதோடு, விஷ்ணு விஷாலின் சண்டைக்காட்சியை வித்தியாசமாக படமாக்கியிருப்பது ரசிக்க வைக்கிறது.

 

தேவையில்லாத சில கதாபாத்திரங்களின் எக்ஸ்பிரஷன்களை அடிக்கடி காட்டி காட்சிகளின் நீளத்தை அதிகரித்திருப்பதை படத்தொகுப்பாளர் பி.பிரவின் பாஸ்கர் தவிர்த்திருக்கலாம்.

 

மதத்தை வைத்து மக்களை பிளவுப்படுத்த நினைக்கும் கூட்டத்தின் சூட்சியில் சிக்காமல் எப்போதுமே ஒற்றுமையாக இருக்க வேண்டும், என்ற கருத்தை வலியுறுத்தும் கதையில் சாதிய ஆதிக்கம் பற்றியும் பேசியிருக்கும் இயக்குநர் ஐஸ்வர்யா ரஜினிகாந்த், இரண்டு கிரிக்கெட் அணிகளுக்கு இடையே நடக்கும் பிரச்சனை, இரண்டு தரப்பினருக்குமான மத கலவரமாக உருவெடுப்பது எப்படி? என்பதை இன்னும் அழுத்தமாக சொல்லியிருக்கலாம். 

 

விஷ்ணு விஷால் - விக்ராந்த் இருவரின் அணிகளுக்கும் இடையே நடக்கும் கிரிக்கெட் போட்டியை காட்சிப்படுத்திய அளவுக்கு கூட, இஸ்லாமியர்களுக்கும், இந்துக்களுக்கும் இடையே நடக்கும் கலவரத்திற்கான காரணங்களை காட்சிப்படுத்தவில்லை. இதனால், பிளவுவாத அரசியல் என்பது வெறும் பேச்சாகவே இருக்கிறதே தவிர, பார்வையாளர்களின் மனதை தொடும் காட்சிகளாக இல்லை.

 

நடிகர்களின் தேர்வு படத்திற்கு பலமாக இருந்தாலும், தம்பி ராமையாவின் நடிப்புக்கு அளவுகோல் வைக்காமல் நடிக்க வைத்தது ரசிகர்களை எரிச்சலடைய வைக்கிறது. 1993-ல் நடக்கும் கதை என்பதால் அதற்கு ஏற்ப காட்சிகளை வடிவமைப்பதில் அதிகம் மெனக்கெட்டிருப்பதோடு, கதாபாத்திரங்களின் உடை உள்ளிட்ட விசயங்களை மிக நேர்த்தியாக கையாண்டிருக்கிறார்கள்.

 

இஸ்லாமியர்களுக்கு எதிராக செயல்படுகிறவர்கள் மற்றும் பேசுபவர்களுக்கு சரியான பதிலடி கொடுக்கும் விதத்தில் அமைந்திருக்கும் வசனங்கள் கைதட்டல் பெறுவதோடு, மத அரசியல், சாதிய ஆதிக்கம் போன்றவற்றுக்கு  சாட்டையடியாக அமைந்திருக்கிறது. ஆனால், இதை இன்னும் கொஞ்சம் அழுத்தமாகவும், பிரமாண்டமாகவும் காட்சி மொழியில் சொல்லியிருந்தால், படம் இந்திய சினிமாவில் மட்டும் இன்றி இந்திய அரசியலிலேயே மிகப்பெரிய தாக்கத்தை ஏற்படுத்தியிருக்கும்.

 

"லால் சலாம்" படத்திற்கு மதிப்பீடு 2.5/5

 

Verdict : தொய்வான கதை அமைப்பு

மேலும் திரைப்பட விமர்சனம்

  • WORLD TAMIL
  • |
  • CINEMA