சற்று முன்

நடிகை ஸ்ரீதேவியின் அடிச்சுவடுகளைப் பின்பற்றும் நடிகை ஜான்வி கபூர்!   |    விஜய்குமார் ஜோடியாக 'அயோத்தி' படப் புகழ் நடிகை ப்ரீத்தி அஸ்ராணி நடிக்கும் 'எலக்சன்'   |    சமத்துவம், சமூக நீதி, பாலின சமத்துவம் எல்லாம் சேரும் போது சமுதாயம் உயரும் - இயக்குநர் ரோஹந்த்   |    மகள் பெயரில் தயாரிப்பாளர் ஞானவேல்ராஜா தொடங்கியுள்ள புரொடக்ஷன் ஸ்டுடியோ!   |    விற்பனையில் சாதனைப் படைத்த நாவலான ‘ஆடுஜீவிதம்’ கதையை அடிப்படையாகக் கொண்ட படம்   |    அஞ்சலி மேனன் மற்றும் வருங்கால இயக்குனர்களுடன் கை கோர்க்க இருக்கும் KRG!   |    மீண்டும் வெளியாகும் ஜீவா நடிப்பில் உருவான ‘கோ’ திரைப்படம்!   |    சுஷ்மிதா சென் மற்றும் ஓப்ரா வின்ஃப்ரேவை இன்ஸ்பிரேஷனாக கூறும் புது கதாநாயகி!   |    அனைவருக்கும் தெரிய வேண்டுமென 40 கோடியில் இப்படத்தை எடுத்துள்ளார் - நடிகர் பாபி சிம்ஹா   |    IPLக்கு பிறகு CCL தான் அதிக அளவு பார்வையாளர்களால் பார்க்கப்படும் ஒரு கிரிக்கெட் போட்டியாகும்.   |    ஶ்ரீகாந்த் தேவா இசையில் பக்திப்பாடல் 'கருப்பன் எங்க குலசாமி' - அமைச்சர் பாராட்டி வெளியிட்டார்   |    அவர்களிடம் இருந்து தமிழ் சினிமாக்காரர்கள் கற்றுக்கொள்ள வேண்டும் - ஆர் வி உதயகுமார்   |    அமைச்சருக்கு நன்றி தெரிவித்துள்ள தமிழ் திரைப்பட தயாரிப்பாளர்கள் சங்கம்!   |    கதையின் நாயகனாக கவுண்டமணி மற்றும் யோகி பாபு நடிக்கும் படத்தின் படப்பிடிப்பு முடிந்தது!   |    நல்ல சிந்தனை கொண்ட சாமானியனைப் பற்றிய கதையின் ஃபர்ஸ்ட் லுக் வெளியானது!   |    பெர்லின் சர்வதேச திரைப்பட விழாவில் கலந்து கொண்ட நடிகர் அல்லு அர்ஜூன்   |    பிரபல பாடகர்-இசையமைப்பாளர் தயாரிப்பில் ’நல்ல பேரை வாங்க வேண்டும் பிள்ளைகளே’!   |    74ஆவது பெர்லின் சர்வதேச திரைப்பட விழாவில் ‘புஷ்பா- தி ரைஸ்’   |    டிரெண்டி & ஃபேஷனபிள் தோற்றத்தில் ரசிகர்களை உற்சாகப்படுத்தும் நடிகை சஞ்சனா நடராஜன்!   |    பிக் பாஸ் புகழ் வருண் கதாநாயகனாக நடித்துள்ள படத்தின் வெளியீட்டு தேதி வெளியானது   |   

croppedImg_529366023.jpeg

’லவ்வர்’ விமர்சனம்

Directed by : Praburam Vyas

Casting : Manikandan, Sri Gowri Priya, Kanna Ravi, Keetha Kailasam, Saravanan, Harish Kumar, Nikila Shankar

Music :Sean Roldan

Produced by : Million Dollar Studios and MRP Entertainment

PRO : Yuvaraj

Review :

"லவ்வர்" பிரபுராம் வியாஸ் இயக்கத்தில் மில்லியன் டாலர் ஸ்டுடியோஸ் மற்றும் எம்.ஆர்.பி என்டர்டெய்ன்மெண்ட் தயாரிப்பில் உருவாகியிருக்கும் இந்த படத்திற்கு  இசை சீன் ரோல்டன். இந்த படத்தில் மணிகண்டன், ஸ்ரீ கௌரி பிரியா, கண்ணா ரவி, கீதா கைலாசம், சரவணன், ஹரிஷ் குமார், நிகிலா ஷங்கர் மற்றும் பலர் நடித்துள்ளனர்.  

 

தனது விரக்தியான வாழ்க்கையின் வலியை தன் காதலி மீது திணிக்கும் நாயகன் மணிகண்டனின் அதீத உரிமையால், நாயகி ஸ்ரீ கெளரி ப்ரியா பல சிக்கல்களை சந்திக்கிறார். ஒவ்வொரு முறையும் சரியாகிவிடும் என்ற நம்பிக்கையில், மணிகண்டனின் செயலை மன்னித்து அவரை ஏற்றுக்கொள்ளும் ஸ்ரீ கெளரி ப்ரியா, ஒரு கட்டத்தில் மணிகண்டனை பிரிந்தே ஆக வேண்டும் என்று முடிவு எடுக்கிறார். 6 வருட காதல் திடீரென்று இல்லை என்றால் எப்படி, என்று காதல் முறிவை ஏற்றுக்கொள்ள முடியாமல் தவிக்கும் மணிகண்டன், காதலியை சமாதானப்படுத்த முயற்சிக்க, வழக்கம் போல் அவரை ஸ்ரீ கெளரி ப்ரியா மன்னித்து ஏற்றுக்கொண்டாரா? இல்லையா? என்பதை கரடு முரடான காதலோடு சொல்வது தான் ‘லவ்வர்’.

 

’குட் நைட்’ படத்தின் மூலம் நாயகனாக அறிமுகமாகி தனது நடிப்பு மூலம் கவனம் ஈர்த்த மணிகண்டன், இதில் முற்றிலும் மாறுபட்ட நடிப்பு மூலம் கவனம் ஈர்த்திருப்பதோடு, மிரட்டவும் செய்திருக்கிறார். இப்படி ஒரு காதலன் தனக்கு கிடைக்கவே கூடாது, என்று பெண்கள் சாமியிடம் வேண்டிக் கொள்ளும் அளவுக்கு சைக்கோ காதலனாக மிரட்டுகிறார். 

 

நாயகியாக நடித்திருக்கும் ஸ்ரீ கெளரி ப்ரியா பக்கத்து வீட்டு பெண் போல் இருக்கிறார். மணிகண்டனுக்கு ஈடுகொடுக்கும் வகையில் மிக இயல்பாக நடித்திருப்பவர், மணிகண்டனின் செயலால் கண்கலங்கும் காட்சிகள் மூலம் ரசிகர்கள் மனதில் இடம் பிடித்து விடுகிறார். காதலை முறித்துக்கொள்ளலாம் என்று அடிக்கடி சொல்லிக்கொண்டிருப்பவர், மணிகண்டன் விடைபெறும் போது கதறி அழும் காட்சியில் அப்ளாஷ் பெற்றுவிடுகிறார்.

 

கண்ணா ரவி, ஹரிஷ் குமார், சரவணன், கீதா கைலாசம் என மற்ற வேடங்களில் நடித்திருப்பவர்கள் திரைக்கதையின் ஓட்டத்திற்கு பயன்பட்டிருக்கிறார்கள்.

 

ஷ்ரேயஸ் கிருஷ்ணாவின் ஒளிப்பதிவும், ஷான் ரோல்டன் இசையும் காதலர்களின் உணர்வுகளை ரசிகர்களிடம் கடத்தும் வகையில் பயணித்திருக்கிறது. பரத் விக்ரமனனின் படத்தொகுப்பு படத்தை தொய்வில்லாமல் நகர்த்தி செல்கிறது.

 

காதல் பற்றி சரியான புரிதல் இல்லாமல், அந்த உறவை சிக்கலோடு கடந்து செல்லும் இளசுகளுக்கு காதல் என்றால் என்ன? என்பதை புரிய வைத்திருக்கும் இயக்குநர் பிரபுராம் வியாஸ், காதலின் கருப்பு பக்கங்களை காட்சிகளாக வடிவமைத்து பார்வையாளர்கள் பதற்றம் அடையும் அளவுக்கு படத்தை நகர்த்தினாலும், க்ளைமாக்ஸில் காதலை எந்த கண்ணோட்டத்தில் பார்க்க வேண்டும் என்பதை அழகாக சொல்லி காதலர்களை கொண்டாட வைத்துவிடுகிறார்.

 

புதிய கோணத்தில் ஒரு காதல் கதையை ரசிக்கும்படி சொல்லியிருந்தாலும், அதை சுற்றி கையாண்ட காட்சிகள் காதல் உணர்வோடு, போதை உணர்வையும் சேர்த்துக் கொடுக்கிறது. படத்தின் பெரும்பாலான காட்சிகளில் மது குடிப்பது மற்றும் சிகரெட் புகைக்கும் காட்சிகள் அளவுக்கு அதிகமாக வருகிறது. படத்தை பார்க்கும் இளைஞர்கள் காதல் காட்சிகளுடன் தங்களை தொடர்புப்படுத்திக் கொள்கிறார்களோ இல்லையோ, போதைப் பொருட்களை பயன்படுத்தும் காட்சிகளில் நிச்சயம் தங்களை தொடர்புப்படுத்திக் கொள்வார்கள்.

 

"Lover" படத்திற்கு மதிப்பீடு 3.5/5

 

Verdict : காதலர் கொண்டாடும் படம்

மேலும் திரைப்பட விமர்சனம்

  • WORLD TAMIL
  • |
  • CINEMA