Review :

என்.பி.இஸ்மாயில் இயக்கத்தில் டி.ஜெயக்குமார், ஆயிஷா, அக்மல், அப்பு குட்டி, கராத்தே ராஜா ஆகியோரின் கூட்டு தயாரிப்பில் வெளிவந்துள்ள படம் ‘ஐ.ஆர் 8’.

இந்த படத்தில் அறிமுக நடிகர்கள் அனீபா, விஷ்வா, பிந்து, ஆர்.வி.தம்பி, ஜெயக்குமார் மற்றும் பலர் நடித்துள்ளனர். 

என்னதான் தொழில்நுட்ப வளர்ச்சி பெருகினாலும், விவசாயமும், விவசாயிகளும் இல்லை என்றால், இந்த உலகம் இல்லை என்ற நிலை இருந்தாலும், விவசாயமும், அதையே நம்பியிருக்கும் விவசாயிகளும் எதிர்கொள்ளும் பிரச்சினைகளும், அதனால் ஏற்படும் விளைவுகளையும் மையமாக வைத்து எடுக்கப்பட்டுள்ள படம்.

இயற்கை விவசாயத்தின் மீது ஈடுபாடு கொண்ட ஆர்.வி.தம்பி, தனக்கு பிறகு தனது மகன்கள் விவசாயத்தை பார்த்துக் கொள்வார்கள் என்று நம்பினாலும், மகன்களோ விவசாயம் செய்வதை விட்டுவிட்டு நிலத்தை விற்க வேண்டும், என்பதில் குறியாக இருக்கிறார்கள். இதற்கிடையே, பிள்ளைகளின் படிப்புக்காக வாங்கிய கடனின் 
வட்டி குட்டி போட்டு பல லட்சங்களாக நிற்க, மறுபுறம் தொழிற்சாலை கட்டுவதற்காக அந்த நிலைத்தை வில்லன் கோஷ்ட்டி கைப்பற்ற நினைக்கிறது. இன்னொரு புறம் கடன் கொடுத்த வங்கி, என்று திரும்பிய பக்கமெல்லாம் பிரச்சினைகள் வந்தாலும், விவாசாய நிலத்தை விற்க கூடாது, என்பதில் உறுதியாக இருக்கும் வயதான விவசாயியான ஆர்.வி.தம்பியின் அதிரடியான முடிவால், ஏற்படும் மாற்றங்களும், அதனால் அவர் நினைத்தது நடந்ததா இல்லையா, என்பதே படத்தின் மீதிக்கதை.

இதில் நடித்துள்ள நடிகர்கள் அனைவரும் புது முகங்களாக இருந்தாலும், கதைக்கு என்ன தேவையோ அந்த நடிப்பை முழுமையாக கொடுத்திருக்கிறார்கள்.

ஒளிப்பதிவாளர் கே.வி.மணி, இசையமைப்பாளர் கோன்ஸ் உள்ளிட்ட தொழில்நுட்பக் கலைஞர்களின் பணி பட்ஜெட்டுக்கு ஏற்றவாறும், கதைக்கு ஏற்றவாரும் பயணித்திருக்கிறது.

கதை, திரைக்கதை, வசனம் எழுதி இப்படத்தை இயக்கியிருக்கும் இஸ்மாயில், காட்சிகளிலும், திரைக்கதையிலும் பிரம்மாண்டத்தையும், விறுவிறுப்பையும் காட்டவில்லை என்றாலும், படத்தின் மூலம் சொல்லியிருக்கும் மெசஜ் மூலம் ரசிகர்களை ஈர்த்துவிடுகிறார். 

குறைந்த பட்ஜெட் படமாக இருந்தாலும் மக்களுக்கு நல்ல மெசஜ் சொல்ல நினைத்து, இப்படி ஒரு படத்தை தயாரித்திருக்கும்  டி.ஜெயக்குமார், ஆயிஷா, அக்மல், அப்பு குட்டி, கராத்தே ராஜா அவர்களது முயற்சியை நிச்சயம் பாராட்டியாக வேண்டும்.

‘ஐ.ஆர் 8’ படத்திற்கு மதிப்பீடு 3/5

Verdict : ‘ஐ.ஆர் 8’ விவசாய மக்களின் வாழ்வாதாரத்தை கண் முன் நிறுத்தும் படம்