சற்று முன்

என்னை உலுக்கிய சம்பவம் - இயக்குனர் சங்கர்   |    படுக்கை அறை காட்சியால் சம்பளத்தை குறைத்த நடிகை ஆண்ட்ரியா   |    மைனா நந்தினியின் போலி ஃபேஸ்புக் ஐடியால் தூக்கத்தை தொலைத்த மாவட்ட செயலாளர்   |    சமூகத்தின் சொல்லப்படாத அவலநிலையின் ஓர் அலசல் “கல்தா”   |    பத்திரிக்கையாளர்களை சந்தித்த “கண்ணும் கண்ணும் கொள்ளையடித்தால்” படக்குழுவினர்   |    ஹரீஷ் கல்யாண் வீட்டில் பிரியாணி விருந்து   |    அருண் விஜய் படத்துக்காக 45 லட்ச ரூபாயில் பிரமாண்டமான அரங்கம்   |    இங்கு யாரும் யாரையும் நம்பிப் பிறக்கவில்லை - பா.ரஞ்சித்   |    அஜித் நிராகரித்ததை ஒத்துக்கொண்ட ரஜினி   |    'அக்கா குருவி' படத்திற்காக இணைந்துள்ள இயக்குநர் சாமியும் இளையராஜாவும்   |    வில்லன் நடிகருக்கு இரண்டாவது திருமணம்!   |    பிரேம்ஜி திருமணம் குறித்து கமெண்ட் போட்ட 'மாஸ்டர்' நடிகர்   |    விஜய் முதல்முறையாக இயக்கும் புதிய படம்   |    சூப்பர் ஸ்டாரின் அடுத்த தலைப்பு   |    விஜய்க்காக இப்படியெல்லாமா செய்வார்கள்!   |    விஜய்யின் அடுத்த படத்திற்கு சம்பளம் இவ்வளவா!   |    அஜித்குமார் மகன் பிறந்தநாளையொட்டி அன்பு இல்லத்தில் கொண்டாட்டம்   |    இதைத்தான் உண்மையான வெற்றி என்று என் தந்தை என்னிடம் கூறினார் - மகிழ்ச்சியில் அருண் விஜய்   |    ஸ்ரீரெட்டி மீது நடிகை அளித்துள்ள அவதூறு வழக்கு! - கைதி செய்ய காத்திருக்கும் காவல்துறை   |    கைராசி இயக்குனரின் கதாநாயகிக்கு திடீர் திருமணம்   |   

croppedImg_2068201461.jpeg

மெஹந்தி சர்க்கஸ் திரை விமர்சனம்

Directed by : சரவண ராஜேந்திரன்

Casting : மாதம்பட்டி ரங்கராஜ், சுவேதா திரிபாதி, ஆர் ஜே விக்னேஷ்காந்த், கபீர் துஹன் சிங், மாரிமுத்து, வேல

Music :ஷான் ரோல்டன்

Produced by : ஸ்டுடியோ கிரீன்

PRO : யூவி

Review :

 

 

'மெஹந்தி சர்க்கஸ்' 1992 ல் நடக்கும் ஒரு காதல் கதை. மெஹந்தி சர்க்கஸ் என்றவுடன்  மருதாணிக்கும் சர்க்கஸுக்கும் என்ன  சம்பந்தம்   என்று நினைக்க தோன்றும். ஆனால் மெஹந்தி என்பது படத்தின் கதாநாயகியின் பெயர். அந்த பெயரால் இயக்கப்படும் சர்க்கஸ் என்பதால் அதற்க்கு மெஹந்தி சர்க்கஸ் என்று பெயர். அதையே படத்திற்கு டைட்டிலாக வைத்துள்ளனர்.       

 

 தீவிர ஜாதி வெறிபிடித்த ஊர் பெரியவரான ராஜாங்கத்தின் மகன் தான் படத்தின் நாயகன் ஜீவா.  கொடைக்கானலில் கேசட் கடை நடத்தி வரும் இவர் அந்த ஊரில் உள்ள இளைஞர்களின் காதலுக்கு இளையராஜா பாடல்கள் மூலம் உதவி செய்பவர். அந்த ஊருக்கு ராஜஸ்தானில் இருந்து சர்க்கஸ் நடத்த ஒரு குழு கூடாரமிடுகிறது. அந்த குழுவின் தலைவர் சன்னி சார்லஸின் மகள் தான் படத்தின் நாயகி மெஹந்தி. 

 

இருவரும் ஒருவர் மீது ஒருவர் காதல் பயப்படுகிறார்கள். இவர்கள் காதல்  தெரிந்த மெஹந்தியின் தந்தை கதாநாயகனுக்கு ஒரு சாகச போட்டி வைக்கிறார். இதற்கிடையே இவர்களது காதல் ராஜாங்கத்திற்கு தெரிய வருகிறது. வழக்கம் போல் ஜாதி வெறிபிடித்த தந்தை இவர்கள் காதலுக்கு தடையாக நிற்கிறார். இந்த தடைகளை மீறி கதாநாயகியை கரம் பிடித்தாரா? சாகச போட்டியில் வெற்றி பெற்றாரா? காதலர்கள் ஒன்று சேர்ந்தார்களா என்பதுதான் கதை. 

 

காதலை வாழ வைத்த, வாழ வைத்துக் கொண்டிருக்கும், வாழ வைக்கப் போகும் தமிழ் சினிமாவில் மீண்டும் ஒரு காதல் படம். 

 

ஜீவாவாக நடிக்கும் ரங்கராஜ் புதுமுகம் என்று தெரியாத அளவுக்கு சிறப்பாக நடித்திருக்கிறார். அடுத்த படங்களில் இன்னும் மெருகேற்றினால் நன்றாக இருக்கும். 

 

மெஹந்தியாக நடித்திருக்கும் ஸ்வேதா திரிபாதி அலட்டல் இல்லாமல் அழகாக நடித்திருக்கிறார். வட இந்திய பெண்ணாக அந்த கதாபாத்திரத்திற்கு கனகச்சிதமாக பொருந்துகிறார் ஸ்வேதா திரிபாதி. சர்க்கஸில் கத்தி வீசும் சாகசத்தில் உயிரை பணயம் வைத்து நிற்கும் போதும் சரி, காதல் காட்சிகளிலும் சரி மிக யதார்த்தமாக நடித்திருக்கிறார். கதாநாயகன்  ரங்கராஜ் நடிப்பில் தவறவிடும் காட்சிகளில் கதாநாயகி ஸ்வேதா திரிபாதி அதை பேலன்ஸ் செய்யும் விதமாக நடித்துவிடுகிறார்.

 

படத்தில் இளையராஜாவின் பாடல்கள் முக்கிய பங்கு வகித்துள்ளன. நம் அனைவரையும் 90ம் வருட காலகட்டத்துக்கே அழைத்து செல்லும் விதமாக அமைந்துள்ளன. அவை படத்துக்கு மேலும் மெருகு சேர்க்கும் விதமாக அமைந்துள்ளன. 

எல்லா படங்களிலும் ஊர் பெரியவராக அல்லது வில்லனாக கெத்தாக வரும் வேல.ராமமூர்த்தி இந்த படத்தில் வித்தியாசமாக காதலர்களுக்கு ஆதரவு தரும் சர்ச் பாதராக நடித்திருக்கிறார். 

 

ஆர்ஜே விக்னேஷ்காந்தின் காமெடி நன்றாக வந்துள்ளது. ஞ்சுர் விகாஷ், மாரிமுத்து, பூஜா, சன்னி சார்லஸ் என அனைவருமே தங்கள் கதாபாத்திரத்தை சிறப்பாக செய்திருக்கிறார்கள்.

 

ஷான் ரோல்டனின் பின்னணி இசையுள்ள ஈர்ப்பு பாடல்களில் இல்லை.  காதலை ரசித்து ரசித்து ஒவ்வொரு ஃபிரேமையும் வைத்திருக்கிறார் ஒளிப்பதிவாளர் செல்வகுமார். ஏற்றம், இறக்கம் இல்லாமல், படத்தை ஒரே ஸ்பீடில் எடிட் செய்திருக்கிறார் பிலோமின் ராஜ்.

 

கொடைக்கானல் மலைகளும், பூம்பாறையின் இயற்கை அழகும்  மெஹந்தி சர்க்கஸ் காதலும் சேர்ந்து நம்மை கிறங்கடிக்கிறது. 

 

எத்தனை படங்கள் வந்தாலும், தமிழ் சினிமாவை பொறுத்தவரை என்றும் திகட்டாத கதை காதல் கதைதான். அதை உணர்வு பூர்வமாக இயக்குனர் ராஜூ முருகன் கதை வசனம் எழுத அவருடைய தம்பி சரவண ராஜேந்திரன் அதை அழகாக இயக்கியிருக்கிறார். 

 

 

 

 

 

 

 

Verdict : மொத்தத்தில் மெஹந்தி சர்க்கஸ் ஒரு மென்மையான காதல் காவியம்

மேலும் திரைப்பட விமர்சனம்

  • WORLD TAMIL
  • |
  • CINEMA