சற்று முன்
சினிமா செய்திகள்
திரையுலகை சோகத்தில் ஆழ்த்திய விசுவின் மரணம்
Updated on : 22 March 2020
தமிழ் சினிமாவில் குடும்பப்பாங்கான படங்கள் எடுப்பதில் கைதேர்ந்தவர் நடிகர் விசு. 90களில் அவர் எடுத்த படங்களில் பேசப்படும் அவருடைய வசனங்கள் மக்கள் மனதில் இன்றும் நீங்க இடம் பிடித்தவை. பல குடும்பங்களுக்கு அவர் படங்கள் வாயிலாக கொடுத்த அட்வைஸ் உதாரணமாக அமைந்தன. இன்றும் டிவி சேனல்களில் விசுவின் படங்கள் என்றால் எத்தனை முறை பார்த்திருந்தாலும் திரும்ப பார்க்க தூண்டும் அவருடைய கதைகள் யதார்தமானவை.
அவரை கடைசியாக ஒரு பத்திரிகைக்காக சினிமா பத்திரிகையாளர் சங்க தலைவர் மற்றும் சின்னத்திரை சங்கத்தின் பொருளாளர் பலேஷ்வருடன் சேர்ந்து மேஜர்தாசன் அவருடைய திரைப்பயணத்தை பற்றி கேள்விகள் கேட்க அந்த சுவாரசியமான தருணத்தை சேவியர் மரியாபெல் படம் பிடித்தார். அன்று அவருடைய திரைத்துறை அனுபவங்களை நம்முடன் மிகவும் சந்தோசமாக பகிர்ந்து கொண்டார். அவை மறக்க முடியாதவை.
இப்படி பெருமைக்குரிய திரு விசு அவர்கள், கடந்த சில நாட்களாக உடல் நிலை பாதிக்கப்பட்டு சிகிச்சை பெற்று வந்தார்.
கடந்த சில நாட்களாக அவரது உடல் நிலை மிக மோசமான நிலையில் சோழிங்கநல்லூர் குளோபல் மருத்துவமனையில் அனுமதிக்கப்பட்டு தீவிர சிகிச்சை அளிக்கப்பட்டு வந்தது.
அவருடைய மூன்று மகள்கள் அமெரிக்காவில் வசித்துவந்தனர். தந்தையின் உடல்நிலை கேள்விப்பட்டு ஒரு மாதத்திற்கு முன்பே அமெரிக்காவில் இருந்து வந்து விசுவுடன் இருந்து அவரை கவனித்து கொண்டனர். உடல்நிலை சற்று தேறிவந்த நிலையில் செய்தியாளர் மேஜர்தாசனுடன் தொடர்புகொண்டு பேசிவந்தார்.
இந்த நிலையில், இன்று சுமார் மாலை 4 மணியளவில் சிகிச்சை பலனின்றி விசு மரணமடைந்தார். அவரது மரணம் திரையுலகை அதிர்ச்சியடைய செய்துள்ளது. அவருக்கு வயது 74.
அவருடைய குடும்பத்துக்கு ஆழ்ந்த அனுதாபங்களை தமிழ்சகா வாயிலாக தெரிவித்துக்கொள்கிறோம்
சமீபத்திய செய்திகள்
'சூரன்' படத்தின் டைட்டில் மற்றும் சிறப்பு காணொளியையும் வெளியிட்ட படக்குழுவினர்
'சியான்' விக்ரம் நடிப்பில் தயாராகி வரும் திரைப்படத்திற்கு வீர தீர "சூரன்" என பெயரிடப்பட்டிருக்கிறது. இதன் ஃபர்ஸ்ட் லுக் மற்றும் சியான் விக்ரம் ஏற்றிருக்கும் கதாபாத்திரத்திற்கான சிறப்பு காணொளியும் வெளியிடப்பட்டிருக்கிறது. சியான் விக்ரமின் பிறந்த நாளை முன்னிட்டு அவர் நடிப்பில் தயாராகும் புதிய படத்தின் ஃபர்ஸ்ட் லுக் மற்றும் சியான் விக்ரம் ஏற்றிருக்கும் கதாபாத்திரத்தின் காணொளி ஆகியவை வெளியாகி உள்ளதால் ரசிகர்கள் இரட்டை விருந்து கிடைத்த மகிழ்ச்சியில் திளைத்திருகிறார்கள்.
இயக்குநர் எஸ் யு அருண்குமார் இயக்கத்தில் உருவாகும் வீர தீர "சூரன்" எனும் திரைப்படத்தில் சியான் விக்ரம், எஸ்.ஜே. சூர்யா, சுராஜ் வெஞ்சரமூடு, துஷாரா விஜயன் உள்ளிட்ட பலர் நடிக்கிறார்கள். தேனி ஈஸ்வர் ஒளிப்பதிவு செய்யும் இந்த திரைப்படத்திற்கு 'இசை அசுரன்' ஜி. வி. பிரகாஷ் குமார் இசையமைக்கிறார். ஆக்சன் எண்டர்டெயினராக தயாராகும் இந்த திரைப்படத்தை ஹெச் ஆர் பிக்சர்ஸ் நிறுவனம் சார்பில் தயாரிப்பாளர் ரியா ஷிபு தயாரிக்கிறார்.
சியான் விக்ரம் நடிப்பில் தயாராகி வரும் இப்படத்தின் தகவல்களை தொடர்ந்து வெளியிட்டு ரசிகர்களை உற்சாகப்படுத்திய படக்குழு.., தற்போது படத்தின் நாயகனான சியான் விக்ரமின் பிறந்த நாளை முன்னிட்டு, வீர தீர "சூரன்" எனும் படத்தின் டைட்டிலையும், இந்த படத்தில் சியான் விக்ரம் ஏற்றிருக்கும் காளி எனும் கதாப்பாத்திரத்திற்கான சிறப்பு காணொளியையும் படக்குழுவினர் வெளியிட்டுள்ளனர்.
மூன்று நிமிடங்கள் கொண்ட இந்த காணொளியில் சியான் விக்ரமின் திரைத் தோற்றம்... அனைத்து தரப்பு ரசிகர்களையும் வெகுவாக கவர்ந்திருக்கிறது. அத்துடன் இந்த காணொளி இணையத்தில் வைரலாகி வருகிறது.
- உலக செய்திகள்
- |
- சினிமா
