தமிழ் சினிமாவில் முன்னணி நடிகர்களாக இருக்கும் அஜித் மற்றும் விஜய் இருவரில் யார் நம்பர் ஒன், என்ற போட்டி நிலவி வருகிறது. இதனால், இருவருடைய ரசிகர்களும் அவ்வபோது மோதல்களில் ஈடுபட்டு வரும் நிலையில், சில சினிமா பிரபலங்கள் விஜய் தான் நம்பர் ஒன் என்று, பேட்டிகளில் கூறி வருகிறார்கள்.

படங்களின் வசூலை வைத்து, யார் நம்பர் ஒன், என்பதை சிலர் கூறி வந்தாலும், அவர் அவர் ரசிகர்கள் தங்களது பேவரைட் நடிகர்களை விட்டுக் கொடுக்காமல் அவர்களது பெருமைகளைப் பற்றி அவ்வபோது பேசி வருகிறார்கள். இப்படி பேசுவது சாதாரண ரசிகர்கள் மட்டும் இன்றி, பிரபலமாக இருப்பவர்களும் அவ்வபோது விஜய் மற்றும் அஜித் குறித்து பேசி வருகிறார்கள்.

அதன்படி, தீவிர அஜித் ரசிகையான பிரபல காமெடி நடிகையும், பிக் பாஸ் பிரபலமான ஆர்த்தி, எப்போதும் அஜித் குறித்து பெருமையாக பேசுவதோடு, அவ்வபோது விஜயை சமூக வலைதளத்தில் கலாய்க்கவும் செய்வார். அதற்காக விஜய் ரசிகர்கள் அவரை கலாய்த்தாலும், கெத்தாக அவர்களுடன் மள்ளுக்கட்டி வருவார்.

இப்படி அஜித்தின் தீவிர ரசிகையாக தன்னை அடையாளப்படுத்திக் கொண்டிருக்கும் நடிகை ஆர்த்தி, விஜய் தான் அடுத்த சூப்பர் ஸ்டார், என்று கூறியிருப்பது அனைவரையும் ஆச்சரியப்பட வைத்திருக்கிறது.

தமிழ் சினிமாவின் முன்னணி நடிகையாக உயர்ந்த கீர்த்தி சுரேஷ், ‘நடிகையர் திலகம்’ படத்தின் தெலுங்கு பதிப்பான ’மகாநதி’ படத்திற்காக தேசிய விருது பெற்றார். அதே ஆண்டு, விஜயின் ‘சர்கார்’, ‘சண்டக்கோழி 2’, ‘சீமராஜா’ ஆகிய படங்களில் நடித்தவர், அதன் பிறகு அவரது நடிப்பில் வேறு எந்த தமிழ்ப் படமும் வெளியாகவில்லை.

இதற்கிடையே, பாலிவுட் சினிமாவுக்காக உடல் எடையை குறைத்ததோடு, சில தமிழ் மற்றும் தெலுங்குப் படங்களையும் நிராகரித்த கீர்த்தி சுரேஷ், திடீரென்று பாலிவுட் படத்தை நிராகரித்து விட்டு மீண்டும் தமிழ் மற்றும் தெலுங்குப் படங்களில் நடிக்க தொடங்கினார். அதன்படி, இயக்குநர் கார்த்திக் சுப்புராஜ் இயக்கும் ‘பென்குயின்’, ரஜினியின் ‘அண்ணாத்தே’ ஆகிய படங்களிலும், சில மலையாளம் மற்றும் தெலுங்குப் படங்களிலும் கீர்த்தி சுரேஷ் நடித்து வருகிறார்.

இந்த நிலையில், கீர்த்தி சுரேஷுக்கு திருமணம் செய்ய அவரது பெற்றோர் முடிவு செய்திருப்பதாக தகவல் வெளியாகியுள்ளது. பா.ஜ.க-வில் உள்ள பெரிய தொழிலதிபரின் மகனை கீர்த்தி சுரேஷ் திருமணம் செய்ய இருப்பதாகவும், அதற்கான பேச்சு வார்த்தைகள் முடிந்துவிட்டதாகவும், 2021 ஆம் ஆண்டு கீர்த்தி சுரேஷின் திருமணம் நடைபெறும் என்றும் கூறப்படுகிறது.

தற்போது கோலிவுட்டில் வைரலாகி வரும் இந்த தகவல், உண்மையா அல்லது வதந்தியா என்பதை கீர்த்தி சுரேஷ் தான் தெளிவுப்படுத்த வேண்டும்.

விஜய் நடிப்பில் உருவாகியுள்ள திரைப்படம் மாஸ்டர். கைதி திரைப்படத்தை இயக்கிய லோகேஷ் கனகராஜ் இத்திரைப்படத்தை இயக்கியுள்ளார். இத்திரைப்படத்தில் விஜய் சேதுபதி, மாளவிகா மோகனன், ஆண்ட்ரியா, ஷாந்தனு, அர்ஜுன் தாஸ் உள்ளிட்டோர் நடித்துள்ளனர். அனிருத் இசைமைத்துள்ள இத்திரைப்படத்தின் ஆல்பம் வெளியாகி ஹிட் அடித்தது. அண்மையில் பொளக்கட்டும் பற பற என்கிற பாடலின் லிரிக் வீடியோ வெளியானது. 

இந்நிலையில் இப்பாடலை எழுதிய விஷ்ணு இதை ட்விட்டரில் ஷேர் செய்தார். அப்போது கைதி படத்தின் தயாரிப்பாளர் எஸ்.ஆர்.பிரபு அவருக்கு வாழ்த்து தெரிவித்ததோடு, ''உன் சீக்ரட் என்னிடம் பாதுகாப்பாக இருக்கிறது'' என ட்விட்டியுள்ளார். இதற்கு விஷ்ணு, ''மிக்க நன்றி, அது அப்படியே நமக்குள்ளயே இருக்கட்டும் அன்பான சார்'' என கேட்டுக்கொண்டுள்ளார். இவர்களின் இந்த பதிவு ரசிகர்களை கவர்ந்துள்ளது. 

கொரோனா வைரஸ் நாடு முழுவதும் மிக வேகமாக பரவி வரும் நிலையில் இந்த வைரஸில் இருந்து பொதுமக்கள் தங்களை காப்பாற்றிக்கொள்ள சமூக விலகலை கண்டிப்பாக கடைபிடிக்க வேண்டும் என்று அறிவுறுத்தப்பட்டு வருகிறது.

இந்த நிலையில் சமூக விலகலை மிக தெளிவாக இரண்டே வரிகளில் விளக்கும் சிவகார்த்திகேயன் பேசிய வசனம் ஒன்றை திருப்பூர் மாவட்ட கலெக்டர் விஜய கார்த்திகேயன் அவர்கள் தனது சமூக வலைத்தளத்தில் குறிப்பிட்டு சிவகார்த்திகேயனுக்கு நன்றி தெரிவித்துள்ளார். அந்த வசனம் இதுதான்:

நீ யாரா வேணும்னா இரு 

எவனா வேணும்னா இரு ; ஆனா

என்கிட்ட இருந்து கொஞ்சம் தள்ளியே இரு

இந்த ட்வீட்டை பார்த்த சிவகார்த்திகேயன், இந்த வசனத்தை ஞாபகப்படுத்தியதற்கு மிகவும் நன்றி என்றும் இதற்குரிய பெருமை ’வருத்தப்படாத வாலிபர் சங்கம்’ படத்தை இயக்கிய பொன்ராம் அவர்களுக்குத்தான் போய் சேரும் என்றும் இரண்டே வரிகளில் அவர்தான் சமூக விலகலை மிக அழகாக விளக்கி இருப்பார் என்றும் கூறியுள்ளார்.

சிவகார்த்திகேயன் நடித்த படத்தின் வசனத்தை சரியான நேரத்தில் தனது சமூக வலைத்தளத்தில் ஞாபகப்படுத்திய திருப்பூர் கலெக்டர் விஜய கார்த்திகேயன் அவர்களுக்கு பாராட்டுக்கள் குவிந்து வருகிறது.

எந்த ஒரு இயற்கை பேரிடர் நாட்டிற்கு வந்தாலும் முதல் ஆளாக நிதி அளித்து நாட்டிற்கு தோள் கொடுப்பது திரையுலக பிரபலங்கள் தான். எம்ஜிஆர், சிவாஜி காலத்திலிருந்து தற்போதைய காலம் வரை திரையுலக பிரபலங்கள் இயற்கை பேரிடர் வரும்போதெல்லாம் மத்திய அரசுக்கும் மாநில அரசுக்கும் வள்ளல்களாக வாரி வழங்கிய சம்பவங்கள் ஏற்கனவே அறிந்ததே.

இந்த நிலையில் தற்போது உலகையே அச்சுறுத்திக் கொண்டிருக்கும் கொரோனா வைரஸ் காரணமாக மத்திய மற்றும் மாநில அரசுகள் நிதி பற்றாக்குறையால் திணறிக் கொண்டிருக்கும் நிலையில் பல திரையுலக பிரபலங்கள் கை கொடுத்திருக்கிறார்கள். அந்த வகையில் மத்திய, மாநில அரசுகளுக்கு தாராளமாக நிதி வழங்கிய திரையுலக பிரபலங்கள் குறித்த பட்டியலை தற்போது பார்ப்போம்.

அக்ஷய்குமார் - 25 கோடி

பிரபாஸ் 4 - கோடி 

மகேஷ்பாபு ஒரு கோடி 

அல்லு அர்ஜுன் - 1.25 கோடி 

ஹேமாமாலினி - ஒரு கோடி 

கார்த்திக் ஆர்யான் - ஒரு கோடி 

விக்கி கெளசல் - ஒரு கோடி 

சிரஞ்சீவி - ஒரு கோடி 

பாலகிருஷ்ணா  - ஒரு கோடி 

ஜூனியர் என்டிஆர் - 75 லட்சம் 

ராம்சரண் தேஜா - 70 லட்சம் 

சன்னிதியோல் - 50 லட்சம் 

வருண் தவான் - 30 லட்சம் 

நிதின் - 20 லட்சம் 

த்ரிவிக்ரம் - 20 லட்சம் 

தில் ராஜூ - 20 லட்சம் 

கொரடலா சிவா - 10 லட்சம் 

சாய் தரம் தேஜ் - 10 லட்சம் 

சிவகார்த்திகேயன் - 10 லட்சம்

கொரோனாவின் பாதிப்பு இந்தியாவில் நாளுக்கு நாள் அதிகரித்து வருகிறது. தமிழகத்தில் இன்று (31-03-2020) ஒருநாளில் மட்டும் 50 பேருக்கு கொரோனா வைரஸ் தொற்று இருப்பது கண்டுபிடிக்கப்பட்டுள்ளதாக செய்திகள் வெளியாகி அதிர்ச்சியை ஏற்படுத்தியுள்ளது.

கொரோனாவால் பாதிப்பு ஒருபக்கம் இருக்க, மக்களின் இயல்பு வாழ்க்கை பெரிதும் பாதிக்கப்பட்டுள்ளது. ஃபெப்சி தொழிலாளர்கள், நடிகர் சங்கத்தில் உறுப்பினர்களாக இருக்கும் பொருளாதார ரீதியாக பின்தங்கியவர்களுக்கு திரையுலக பிரபலங்கள் பலர் தங்களால் இயன்ற உதவிகளை செய்து வருகின்றனர்.

மேலும் பிரபலங்கள் பலர் மக்களுக்கு விழிப்புணர்வு ஏற்படுத்தும் வகையில் சமூக வலைதளங்களில் பதிவுகளை எழுதி வருகின்றனர். அதன் ஒருபகுதியாக பிரபல பாலிவுட் நடிகர் அலி ஃபசல் பேட் மேன் அணிந்து வீதியில் இருக்கும் மக்களுக்கு உணவு விநியோகித்துள்ளார். இதுகுறித்து தனது இன்ஸ்டாகிராம் பக்கத்தில் வீடியோ வெளியிட்டுள்ளார்

வீடியோ லிங்க் :

https://www.instagram.com/p/B-Yn3TRlxrR/?utm_source=ig_web_copy_link

தமிழகத்தில் கொரோனா வைரஸ் தாக்கம் ஆரம்பித்ததிலிருந்து ஆங்காங்கே விஜய் ரசிகர்கள் தங்களால் முடிந்த உதவியை செய்து வருகின்றனர். சமீபத்தில் கூட நெல்லையில் உள்ள காவல்துறையினருக்கு வாட்டர் பாட்டில், பிஸ்கட் ஆகியவற்றை நெல்லை பகுதி தளபதி விஜய்யின் ரசிகர்கள் கொடுத்தனர் என்பதும் இதற்கு நெல்லை போலீஸ் துணை கமிஷனர் தனது சமூக வலைத்தளத்தில் நன்றி தெரிவித்து இருந்தார் என்பதையும் பார்த்தோம்.

இந்த நிலையில் வட சென்னையில் உள்ள தளபதி விஜய்யின் ரசிகர்கள் தற்போது அந்த பகுதியில் வாழும் தின கூலி தொழிலாளர்கள் 150 பேர்களுக்கு தலா 25 கிலோ அரிசியை நன்கொடையாக வழங்கி உள்ளனர். இதனால் அந்த தொழிலாளர்களின் குடும்பத்தினர் கிட்டத்தட்ட ஒரு மாதம் பசியை போக்கி கொள்வார்கள் என்பது குறிப்பிடத்தக்கது. தளபதி விஜய்யின் இந்த மகத்தான உதவிக்கு பாராட்டுக்கள் குவிந்து வருகிறது.

தளபதி விஜய்யின் ரசிகர்களைப் போலவே மற்ற மாஸ் நடிகர்களின் ரசிகர்களும் தங்களால் முடிந்த உதவியை குடும்பத்தோடு பசியுடன் இருக்கும் தினக்கூலி தொழிலாளர்களுக்கு செய்ய வேண்டும் என கோரிக்கை எழுப்பப்பட்டுள்ளது.

தமிழ் சினிமாவில் முன்னணி நடிகர்களின் ரசிகர்களுக்கு மத்தியில் நடக்கும் சண்டை வாடிக்கையானது தான். தினம்தோறும் எதாவது ஒரு காரணத்திற்காக விஜய் ரசிகர்கள் மற்றும் அஜித் ரசிகர்கள் இடையே சமூக வலைத்தளங்களில் மோதல் நடந்துகொண்டே தான் இருக்கும்.

இந்நிலையில் நேற்று டிவியில் திரையிடப்பட்ட கில்லி படம் தேசிய அளவில் ட்ரெண்ட் ஆனது. 16 வருடங்களுக்கு பின்னரும் தற்போது இந்த படத்திற்கு இவ்வளவு பெரிய ரெஸ்பான்ஸ் கிடைத்தது பலருக்கும் ஆச்சர்யமாக இருந்தது.

இந்த படம் தெலுங்கில் மகேஷ் பாபு நடித்த ஒக்கடு படத்தின் ரீமேக் தான். நேற்று கில்லி தேசிய அளவில் ட்ரெண்ட் ஆன நிலையில் தற்போது மகேஷ் பாபு மற்றும் விஜய் ஆகியோரின் ரசிகர்கள் ட்விட்டரில் மோதிக்கொள்கின்றனர்.

#RemakeStarVijay என மகேஷ் பாபு ரசிகர்கள் ட்ரெண்ட் செய்ய, அதற்கு போட்டியாக #DummyStarMaheshBabu என விஜய் ரசிகர்கள் ட்ரெண்ட் செய்து வருகின்றனர்.

கொரோனா பிரச்சனை இருக்கும் இந்த நேரத்தில் இப்படி ஒரு விஷயம் தேவை தானா என பல்வேறு தரப்பினரும் கருத்து தெரிவித்து வருகின்றனர்.

இரண்டு சினிமா துறைகளில் முன்னணியில் இருக்கும் விஜய் மற்றும் மகேஷ் பாபு இருவரும் தங்கள் ரசிகர்களுக்கு அறிவுரை வழங்க வேண்டும் என்றும் ட்விட்டரில் பலர் கூறுகின்றனர்.

நாடு முழுவதும் கொரோனா முன் எச்சரிக்கை நடவடிக்கை மேற்கொள்ளப்பட்டு வருகிறது. இதற்காக தேசிய ஊரடங்கு உத்தரவு அமலில் இருப்பதால், கூலித்தொழிலாளர்கள் மற்றும் சிறு தொழில் செய்பவர்கள் பெரிதும் பாதிக்கப்பட்டுள்ளனர். இதனால், மக்களுக்கு நிவாரண நிதி அளிப்பது மற்றும் கொரோனா மருத்துவ சிகிச்சை உள்ளிட்ட பல்வேறு நிதிக்காக பிரதமர் மோடி, மக்களிடமும், பிரபலங்களிடமும் நிதி கேட்டுள்ளார். அதேபோல், தமிழக அரசும் கொரோனா முதலமைச்சர் நிவாரணநிதிக்கு நிதியளிக்கலாம், என்று அறிவித்துள்ளது.

அதன்படி, அரசியல் தலைவர்கள், அரசியல் கட்சிகள், தொழிலதிபர்கள் தமிழக அரசின் முதலமைச்சரின் கொரோனா நிவாரண நிதிக்கு, நிதி அளித்து வரும் நிலையில், சினிமா பிரபலங்கள் யாரும் நிதியளிக்காமல் மவுனமாக இருந்த நிலையில், முதல் நபராக நடிகர் சிவகார்த்திகேயன் ரூ.25 லட்சத்தை முதலமைச்சர் நிவாரண நிதிக்கு வழங்கியுள்ளார். இதன் மூலம், முதலமைச்சர் கொரோனா நிவாரண நிதிக்கு நிதியளித்த முதல் கோலிவுட் நடிகர் என்ற பெருமை சிவகார்த்திகேயனுக்கு கிடைத்திருக்கிறது.

ஏற்கனவே, பெப்ஸி தொழிலாளர்களுக்காக ரூ.10 லட்சம் நிதியளித்திருக்கும் சிவகார்த்திகேயன், சினிமா பத்திரிகையாளர்களுக்காக, சினிமா பத்திரிகையாளர்கள் சங்கத்திற்கு ரூ.50 ஆயிரம் நிதி வழங்கியுள்ளார் என்பது குறிப்பிடத்தக்கது.

ஆர் எஸ் எஸ் எஸ் பிக்சர்ஸ் உரிமையாளர் எஸ்.தணிகைவேல். இவர், நேற்று இன்று, இரவும் பகலும் வரும், போக்கிரி மன்னன் ஆகிய படங்களை வாங்கி வெளியிட்டார். தற்போது இவர் ஒற்றைப் பனை மரம் என்ற புதிய படத்தை தயாரித்து வெளியிட இருக்கிறார்.

இவர் திருவண்ணாமலை பகுதியிலுள்ள 5000 ஏழைக் குடும்பங்களுக்கு ஒரு  மாதத்திற்கான ரேஷன் பொருட்களை  இலவசமாக வழங்கினார்.

கொரோனா  வைரஸ் பரவலைத் தடுப்பதற்காக  நாடு முழுவதும் 144 தடை உத்தரவு பிறப்பிக்கப் பட்டு நடைமுறையில் உள்ளது. இதனால் வேலை இழந்து தினக்கூலி தொழிலாளர்கள் ஆட்டோ ஓட்டுனர்கள்  அமைப்பு சாரா தொழிலாளர்கள்  என லட்சக்கணக்கான குடும்பங்கள் நாடு முழுவதும் வறுமையில் வீட்டுக்குள் முடங்கிக் கிடக்கின்றன. பலர் ஒருவேளை உணவு இன்றியும் தவித்து வருகின்றனர்.  இந்த இக்கட்டான   சூழ்நிலையில்  பாதிக்கப்பட்டு உள்ளவர்களை ஆதரிப்பதற்காக சமூக அமைப்புகள் முன்வந்து உதவி வருகின்றன. அந்த வகையில் திருவண்ணாமலை  நகரில் தியாகி அண்ணாமலை நகர்,  கீழ்நாத்தூர், பெரியார் நகர், அண்ணா நகர், சின்னக்கடை தெரு கட்டிட தொழிலாளர்கள் குடியிருப்பு பகுதி, கள் நகர்,  வேங்கிக்கால், மற்றும் திருவண்ணாமலை அருகில் உள்ள அய்யம்பாளையம், இராஜபாளையம், ஆடையூர்  செங்கம் அருகிலுள்ள  குளியம் ஆகிய பகுதிகளில் உள்ள ஏழைக் குடும்பங்களை  ஆர் எஸ் எஸ் எஸ் இந்நிறுவனத்தின்  திரைப்படதயாரிப்பாளரும்  தொழிலதிபருமான எஸ் தணிகைவேல் கண்டறிந்து அவர்களுக்கு ஒரு மாதத்திற்கு தேவையான அரிசி மற்றும் மளிகை பொருட்கள் அனைத்தையும் வழங்க முன்வந்துள்ளார். 

வீடு வீடாக இந்த இலவச ரேஷன் பொருட்களை வழங்குவதற்கு உதவியாக நீர்த்துளி இயக்கத்தினர் ஈடுபடுத்தப்பட்டுள்ளனர். முதற்கட்டமாக நேற்று 1500 குடும்பங்களுக்கு இந்த இலவச ரேஷன் பொருட்களை லாரிகள் மூலம் கொண்டு வந்து அந்தந்த பகுதிகளில் தொழிலதிபர் எஸ் தணிகைவேல் சார்பில் வினியோகம் செய்யும் பணியில் ஈடுபடுத்தப்பட்டனர்.