சற்று முன்
சினிமா செய்திகள்
வில்லன் நடிகருக்கு இரண்டாவது திருமணம்!
Updated on : 25 February 2020
சினிமா நடிகைகள் மற்றும் நடிகர்கள் காலதாமதமாக முதல் திருமணம் செய்துக் கொண்டாலும், இரண்டாவது திருமணத்தை பொருத்தவரை காலதாமதம் செய்வதில்லை. அந்த வகையில், பிரபல நடிகர் ஒருவர் தனது முதல் மனைவியை விவாகரத்து செய்த சில நாட்களிலேயே தனது இரண்டாவது திருமணம் குறித்து அறிவித்திருப்பது அனைவரையும் அதிர்ச்சியடைய செய்துள்ளது.
மலையாள சினிமாவின் பிரபல நடிகராக இருப்பவர் செம்பன் வினோத். 2010 ஆம் ஆண்டு வெளியான ‘நாயக்கன்’ என்ற மலையாலப் படத்தின் மூலம் நடிகராக அறிமுகமான செம்பன் வினோத், வில்லன், ஹீரோ, குணச்சித்திரம் என்று பல வேடங்களில் நடித்து வருகிறார். ’கோலிசோடா 2’ மூலம் தமிழ் சினிமாவில் வில்லனாக அறிமுகமான இவர், அதன் பிறகு வேறு எந்த தமிழ்ப் படத்திலும் நடிக்கவில்லை. இதற்கிடையே அஜித்தின் ‘வலிமை’ படத்தில் செம்பன் வினோத் வில்லனாக நடிப்பதாக தகவல் வெளியானது. ஆனால், அது வெறும் வதந்தி என்று படக்குழு கூறியதோடு, செம்பன் வினோத்தும் அதில் உண்மை இல்லை, ஆனால் வதந்தி உண்மையானால் சந்தோஷம், என்று கூறியிருந்தார்.
சுனிதா என்ற பெண்ணை திருமணம் செய்துக் கொண்ட செம்பன் வினோத், கடந்த சில வாரங்களுக்கு முன்பு சுனிதாவை விவாகரத்து செய்துவிட்டார்.
இந்த நிலையில், மரியம் தாமஸ் என்ற சைக்காலிஜிஸ்ட்டை தனது சொந்த ஊரான கோட்டயத்தில் செம்பன் வினோத், இரண்டாவதாக திருமணம் செய்ய இருப்பதாக அறிவித்துள்ளார்.
தற்போது ஃபாஹத் பாசில் நடிக்கும் ’ட்ரான்ஸ்’ என்ற படத்தில் நடித்து வரும் செம்பன் வினோத், சிறந்த நடிகருக்கான விருதை அவர் IFFK 2018 ல் பெற்றார் என்பது குறிப்பிடத்தக்கது.
சமீபத்திய செய்திகள்
அஜித் ரசிகையின் ஓபன் டாக்கால் குஷியான விஜய் ரசிகர்கள்
தமிழ் சினிமாவில் முன்னணி நடிகர்களாக இருக்கும் அஜித் மற்றும் விஜய் இருவரில் யார் நம்பர் ஒன், என்ற போட்டி நிலவி வருகிறது. இதனால், இருவருடைய ரசிகர்களும் அவ்வபோது மோதல்களில் ஈடுபட்டு வரும் நிலையில், சில சினிமா பிரபலங்கள் விஜய் தான் நம்பர் ஒன் என்று, பேட்டிகளில் கூறி வருகிறார்கள்.
படங்களின் வசூலை வைத்து, யார் நம்பர் ஒன், என்பதை சிலர் கூறி வந்தாலும், அவர் அவர் ரசிகர்கள் தங்களது பேவரைட் நடிகர்களை விட்டுக் கொடுக்காமல் அவர்களது பெருமைகளைப் பற்றி அவ்வபோது பேசி வருகிறார்கள். இப்படி பேசுவது சாதாரண ரசிகர்கள் மட்டும் இன்றி, பிரபலமாக இருப்பவர்களும் அவ்வபோது விஜய் மற்றும் அஜித் குறித்து பேசி வருகிறார்கள்.
அதன்படி, தீவிர அஜித் ரசிகையான பிரபல காமெடி நடிகையும், பிக் பாஸ் பிரபலமான ஆர்த்தி, எப்போதும் அஜித் குறித்து பெருமையாக பேசுவதோடு, அவ்வபோது விஜயை சமூக வலைதளத்தில் கலாய்க்கவும் செய்வார். அதற்காக விஜய் ரசிகர்கள் அவரை கலாய்த்தாலும், கெத்தாக அவர்களுடன் மள்ளுக்கட்டி வருவார்.
இப்படி அஜித்தின் தீவிர ரசிகையாக தன்னை அடையாளப்படுத்திக் கொண்டிருக்கும் நடிகை ஆர்த்தி, விஜய் தான் அடுத்த சூப்பர் ஸ்டார், என்று கூறியிருப்பது அனைவரையும் ஆச்சரியப்பட வைத்திருக்கிறது.
கலெக்டருக்கு நன்றி கூறிய சிவகார்த்திகேயன்
கொரோனா வைரஸ் நாடு முழுவதும் மிக வேகமாக பரவி வரும் நிலையில் இந்த வைரஸில் இருந்து பொதுமக்கள் தங்களை காப்பாற்றிக்கொள்ள சமூக விலகலை கண்டிப்பாக கடைபிடிக்க வேண்டும் என்று அறிவுறுத்தப்பட்டு வருகிறது.
இந்த நிலையில் சமூக விலகலை மிக தெளிவாக இரண்டே வரிகளில் விளக்கும் சிவகார்த்திகேயன் பேசிய வசனம் ஒன்றை திருப்பூர் மாவட்ட கலெக்டர் விஜய கார்த்திகேயன் அவர்கள் தனது சமூக வலைத்தளத்தில் குறிப்பிட்டு சிவகார்த்திகேயனுக்கு நன்றி தெரிவித்துள்ளார். அந்த வசனம் இதுதான்:
நீ யாரா வேணும்னா இரு
எவனா வேணும்னா இரு ; ஆனா
என்கிட்ட இருந்து கொஞ்சம் தள்ளியே இரு
இந்த ட்வீட்டை பார்த்த சிவகார்த்திகேயன், இந்த வசனத்தை ஞாபகப்படுத்தியதற்கு மிகவும் நன்றி என்றும் இதற்குரிய பெருமை ’வருத்தப்படாத வாலிபர் சங்கம்’ படத்தை இயக்கிய பொன்ராம் அவர்களுக்குத்தான் போய் சேரும் என்றும் இரண்டே வரிகளில் அவர்தான் சமூக விலகலை மிக அழகாக விளக்கி இருப்பார் என்றும் கூறியுள்ளார்.
சிவகார்த்திகேயன் நடித்த படத்தின் வசனத்தை சரியான நேரத்தில் தனது சமூக வலைத்தளத்தில் ஞாபகப்படுத்திய திருப்பூர் கலெக்டர் விஜய கார்த்திகேயன் அவர்களுக்கு பாராட்டுக்கள் குவிந்து வருகிறது.
விஜய் ரசிகர்கள் செய்த செயலால் விஜய்க்கு குவியும் பாராட்டுக்கள்
தமிழகத்தில் கொரோனா வைரஸ் தாக்கம் ஆரம்பித்ததிலிருந்து ஆங்காங்கே விஜய் ரசிகர்கள் தங்களால் முடிந்த உதவியை செய்து வருகின்றனர். சமீபத்தில் கூட நெல்லையில் உள்ள காவல்துறையினருக்கு வாட்டர் பாட்டில், பிஸ்கட் ஆகியவற்றை நெல்லை பகுதி தளபதி விஜய்யின் ரசிகர்கள் கொடுத்தனர் என்பதும் இதற்கு நெல்லை போலீஸ் துணை கமிஷனர் தனது சமூக வலைத்தளத்தில் நன்றி தெரிவித்து இருந்தார் என்பதையும் பார்த்தோம்.
இந்த நிலையில் வட சென்னையில் உள்ள தளபதி விஜய்யின் ரசிகர்கள் தற்போது அந்த பகுதியில் வாழும் தின கூலி தொழிலாளர்கள் 150 பேர்களுக்கு தலா 25 கிலோ அரிசியை நன்கொடையாக வழங்கி உள்ளனர். இதனால் அந்த தொழிலாளர்களின் குடும்பத்தினர் கிட்டத்தட்ட ஒரு மாதம் பசியை போக்கி கொள்வார்கள் என்பது குறிப்பிடத்தக்கது. தளபதி விஜய்யின் இந்த மகத்தான உதவிக்கு பாராட்டுக்கள் குவிந்து வருகிறது.
தளபதி விஜய்யின் ரசிகர்களைப் போலவே மற்ற மாஸ் நடிகர்களின் ரசிகர்களும் தங்களால் முடிந்த உதவியை குடும்பத்தோடு பசியுடன் இருக்கும் தினக்கூலி தொழிலாளர்களுக்கு செய்ய வேண்டும் என கோரிக்கை எழுப்பப்பட்டுள்ளது.
5000 ஏழை குடும்பங்களுக்கு ஒரு மாத உணவு பொருட்கள் வழங்கிய தொழிலதிபர் மற்றும் தயாரிப்பாளர்...
ஆர் எஸ் எஸ் எஸ் பிக்சர்ஸ் உரிமையாளர் எஸ்.தணிகைவேல். இவர், நேற்று இன்று, இரவும் பகலும் வரும், போக்கிரி மன்னன் ஆகிய படங்களை வாங்கி வெளியிட்டார். தற்போது இவர் ஒற்றைப் பனை மரம் என்ற புதிய படத்தை தயாரித்து வெளியிட இருக்கிறார்.
இவர் திருவண்ணாமலை பகுதியிலுள்ள 5000 ஏழைக் குடும்பங்களுக்கு ஒரு மாதத்திற்கான ரேஷன் பொருட்களை இலவசமாக வழங்கினார்.
கொரோனா வைரஸ் பரவலைத் தடுப்பதற்காக நாடு முழுவதும் 144 தடை உத்தரவு பிறப்பிக்கப் பட்டு நடைமுறையில் உள்ளது. இதனால் வேலை இழந்து தினக்கூலி தொழிலாளர்கள் ஆட்டோ ஓட்டுனர்கள் அமைப்பு சாரா தொழிலாளர்கள் என லட்சக்கணக்கான குடும்பங்கள் நாடு முழுவதும் வறுமையில் வீட்டுக்குள் முடங்கிக் கிடக்கின்றன. பலர் ஒருவேளை உணவு இன்றியும் தவித்து வருகின்றனர். இந்த இக்கட்டான சூழ்நிலையில் பாதிக்கப்பட்டு உள்ளவர்களை ஆதரிப்பதற்காக சமூக அமைப்புகள் முன்வந்து உதவி வருகின்றன. அந்த வகையில் திருவண்ணாமலை நகரில் தியாகி அண்ணாமலை நகர், கீழ்நாத்தூர், பெரியார் நகர், அண்ணா நகர், சின்னக்கடை தெரு கட்டிட தொழிலாளர்கள் குடியிருப்பு பகுதி, கள் நகர், வேங்கிக்கால், மற்றும் திருவண்ணாமலை அருகில் உள்ள அய்யம்பாளையம், இராஜபாளையம், ஆடையூர் செங்கம் அருகிலுள்ள குளியம் ஆகிய பகுதிகளில் உள்ள ஏழைக் குடும்பங்களை ஆர் எஸ் எஸ் எஸ் இந்நிறுவனத்தின் திரைப்படதயாரிப்பாளரும் தொழிலதிபருமான எஸ் தணிகைவேல் கண்டறிந்து அவர்களுக்கு ஒரு மாதத்திற்கு தேவையான அரிசி மற்றும் மளிகை பொருட்கள் அனைத்தையும் வழங்க முன்வந்துள்ளார்.
வீடு வீடாக இந்த இலவச ரேஷன் பொருட்களை வழங்குவதற்கு உதவியாக நீர்த்துளி இயக்கத்தினர் ஈடுபடுத்தப்பட்டுள்ளனர். முதற்கட்டமாக நேற்று 1500 குடும்பங்களுக்கு இந்த இலவச ரேஷன் பொருட்களை லாரிகள் மூலம் கொண்டு வந்து அந்தந்த பகுதிகளில் தொழிலதிபர் எஸ் தணிகைவேல் சார்பில் வினியோகம் செய்யும் பணியில் ஈடுபடுத்தப்பட்டனர்.
- உலக செய்திகள்
- |
- சினிமா
