சற்று முன்
சினிமா செய்திகள்
ரஞ்சித்தின் புதிய படத்தின் படப்பிடிப்பு துவங்கியது
Updated on : 29 November 2019
'புரியாத புதிர்', 'இஸ்பேட் ராஜாவும் இதய ராணியும்' ஆகிய படங்கள் மூலம் கவனம் ஈர்த்து, பாராட்டுக்களைக் குவித்த இயக்குநர் ரஞ்சித் ஜெயக்கொடியின் அடுத்த படத்தின் படப்பிப்பு இன்று (நவம்பர் 28) துவங்கியது. தற்காலிகமாக தயாரிப்பு எண் 1 என்று பெயரிடப்பட்டிருக்கும் இப்படத்தை Third Eye Entertainment நிறுவனம் தயாரிக்க, பிந்து மாதவி, தர்ஷணா பனிக் ஆகியோர் பிரதான வேடங்களில் நடிக்கின்றனர்.
Third Eye Entertainment நிறுவனத்தின் தயாரிப்பாளர் தேவராஜூலு இப்படம் குறித்து கூறியதாவது...
"இயக்குநர் ரஞ்சித் ஜெயக்கொடி தனித்தன்மை வாய்ந்த கதைகளை தேர்வு செய்து, விறுவிறுப்பான படங்களாகக் கொடுப்பதில் வல்லவர். அவரது இயக்கத்தில் நான் படம் தயாரிக்க இதுவே முதல் காரணம். மேலும் தன் முந்தைய படங்களிலிருந்து முற்றிலும் மாறுபட்ட புதிய களத்தில் கட்டமைக்கபட்ட கதை ஒன்றை விவரித்தது எனக்கு மிகவும் ஆச்சரியமாகப் பட்டது. பெண்களை மையப் படுத்திய இந்தப் படம் முழுக்க முழுக்க, திரில்லர் வகையைச் சேர்நதது. ரசிகர்களை இருக்கை நுனிக்கே இழுத்து வந்து விடும் காட்சிகள் நிரம்பவே உண்டு. கதையை அவர் சொன்ன விதம், விஷுவல் காட்சிகளுடன் முழுப் படத்தையும் எப்போது பார்ப்போம் என்ற ஆவலை என்னுள் ஏற்படுத்தியது. பிந்து மாதவி மற்றும் தர்ஷணா பனிக் இருவரும் பிரதான பாத்திரங்களில் நடிக்கின்றனர். இயக்குநர் ரஞ்சித் ஜெயக்கொடி தான் உருவாக்கிய பாத்திரங்களுக்குப் பொறுத்தமான நடிக நடிகையரை சரியாகத் தேர்ந்தெடுப்பார் என்று நம்புவதுடன், அவர்களுடன் இணைந்து பணியாற்றும் அனுபவத்துக்காக ஆவலோடு காத்திருக்கிறேன்" என்றார்.
சமீபத்திய செய்திகள்
விஜய்யை நக்கலடித்த ஆசிரியர் - சீறிப்பாய்ந்த இயக்குனர்
தளபதி விஜய் கொரோனா தடுப்பு நிதியாக ரூ 1.30 கோடி ரூபாய் நிதியுதவி செய்தார் என்பது தெரிந்ததே அதுமட்டுமின்றி ஊரடங்கு உத்தரவு காரணமாக வறுமையில் வாடும் தனது ரசிகர்களை கண்டறிந்து அவர்களுக்கு தலா 5,000 ரூபாய் அவர்களுடைய வங்கிக் கணக்கில் டெபாசிட் செய்தார் என்பதும், இதன் மூலம் ஆயிரக்கணக்கான ரசிகர்கள் பலன் அடைந்தனர் என்பதும் குறிப்பிடத்தக்கது.
இந்த நிலையில் துக்ளக் ஆசிரியர் குருமூர்த்தி, விஜய்யின் நிதியுதவி காலதாமதமானது குறித்த ஒரு கேள்விக்கு பதிலளித்தபோது, ‘வருமான வரித்துறையினர் வாரி சுருட்டி கொண்டு போன பிறகும், அங்கும் இங்கும் சிதறி இருந்த பணத்தை சேர்த்து கொடுப்பதற்கு நேரம் தேவை இல்லையா? என்று பதிலளித்து இருந்தார்.
குருமூர்த்தியின் இந்த பதிலுக்கு பெரும்பான்மையோர் கண்டனம் தெரிவித்தனர். பெரிய கோடீஸ்வரர்கள் பலர் ஒரு ரூபாய் கூட கொடுக்காத நிலையில் தன்னுடைய மக்களுக்காக ரூ.1.30 கோடி கொடுத்த விஜய்யை கேலி செய்வதா? என்று விமர்சனங்கள் எழுந்தன.
இந்த நிலையில் சிம்பு நடித்து வரும் ‘மாநாடு’ படத்தை தயாரித்து வரும் பிரபல தயாரிப்பாளர் சுரேஷ் காமாட்சி இதுகுறித்து தனது சமூக வலைத்தளத்தில் கூறியபோது, ‘அரசியல்வாதிகளை கைக்குள் போட்டு சம்பாதித்ததிலிருந்து இதுவரை கொரானா நிதிக்காக அஞ்சு பைசா கழட்டாத #குருமூர்த்தி .. தன் இக்கட்டையும் கடந்து தளபதி விஜய் நேயமுடன் உதவியதை நக்கலடித்திருப்பதை வன்மையாகக் கண்டிக்கிறேன். நிலை பிறழ்ந்த செயல் இது! என்று கூறியுள்ளார். சுரேஷ் காட்சியின் இந்த டுவீட்டுக்கு விஜய் ரசிகர்கள் உள்பட பலர் ஆதரவு தெரிவித்து வருகின்றனர்.
அஜித் பட நாயகி இயக்குனராக அவதாரம்
5 ஸ்டார் என்ற படம் மூலம் கோலிவுட்டில் அறிமுகமானாலும் கனிகா அதிகப் புகழ் பெற்றது மலையாளத் திரை உலகில்தான். பல ஹிட் படங்களில் நடித்த அவர் திருமணத்துக்குப் பின் நடிப்பிலிருந்து விலகினார்.
அவ்வப்போது தனது இன்ஸ்டாகிராமில் மகனுடன் சில வீடியோக்களை வெளியிட்டு வந்த கனிகா, தற்போது ஒரு குறும்படத்தை முதன்முறையாக இயக்கியுள்ளார். மா என்று பெயரிடப்பட்ட அந்த ஷார்ட் ஃப்லிமை மிகவும் பொருத்தமாக அன்னையர் தினத்தன்று வெளியிட்டார் கனிகா.
ஐந்து நிமிடம் இருபது நொடிகள் ஓடக் கூடிய இந்த குறும்படத்தில் தாயின் சிறப்புக்களை வாய்ஸ் ஓவர் மற்றும் பின்னணி இசையுடன் நெகிழ்ச்சியாக எடுத்துள்ளார். இது குறித்து தனது இன்ஸ்டாகிராமில் பகிர்ந்த அவர் கூறியிருப்பது,
ஒரு தாயின் தோற்றத்தினாலோ அவளது நடவடிக்கைகளினாலோ ஒருபோதும் அவளை தீர்மானிக்க வேண்டாம் ... அவள் என்னவிதமான கஷ்டத்தில் இருக்கிறாள் என்பது அவளுக்கு மட்டுமே தெரியும்.
எல்லா அம்மாக்களுக்கும், அம்மாவாகப் போகிற அம்மாக்களுக்கும், அனைத்து சிங்கிள் மதர்ஸுக்கும், கண்ணாடியில் உங்களை ஒரு முறை பார்த்து புன்னகைத்து, என்ன ஒரு அற்புதமான பெண் நீங்கள் என்று பெருமைப்பட்டுக் கொள்ளக் கூடிய அனைத்து அம்மாக்களுக்கும்’ என்று பதிவிட்டு தனது குறும்படத்தை அறிமுகப்படுத்தியுள்ளார் கனிகா.
இந்த குறும்படம் கனிகாவுக்கு இயக்குனராக ஒரு நல்ல அங்கீகாரம் கிடைத்துள்ள நிலையில், இதை எழுதும் போது, 43523 பார்வையாளர்களையும் பெற்றுள்ளது என்பது குறிப்பிடத்தக்கது.
படத்தை சட்ட விரோதமாக வெளியிட்ட கேபிள் சேனல் மீது கே.ஜி.எப் தயாரிப்பாளர் புகார்
உலகம் முழுவதும் கொரோனா நோய் பரவி வருகிறது. அதன் பரவலை தடுக்க இப்போதைக்கு ஒரே வழி சமூக இடைவெளியை பின்பற்றுவது தான். இதனால் திரைத்துறையும் பாதிக்கப்பட்டுள்ளது. பல படங்கள் ரிலீஸ் செய்ய முடியாமல் கிடப்பில் போடப்பட்டுள்ளன.
இந்நிலையில் கன்னட படமான கே.ஜி.எப் பல மொழிகளில் வெளியாகி சக்கை போடு போட்ட படம். படத்தின் இரண்டாம் பாகத்துக்காக பலரும் காத்திருக்கின்றனர். இந்நிலையில் இந்த படத்தை சிலர் சட்டவிரோதமாக ஒளிபரப்பு செய்ததாக படத்தின் தயாரிப்பாளர் பரபரப்பு புகார் எழுப்பியுள்ளார்.
இதுபற்றி அவர் "Every என பெயர் கொண்ட ஒரு தெலுங்கு லோக்கல் சேனலில் சட்ட விரோதமாக KGF போடப்பட்டுள்ளது. அவர்கள் மீது சட்டப்படி நடவடிக்கை எடுக்கப்படும். இதற்காக வழக்கு தொடரப்படும். தற்போது சாட்டிலைட் உரிமை விற்பனைக்கான பேச்சுவார்த்தை நடந்து வருகிறது, அது முடியும் சமயத்தில் ஒரு கேபிள் சேனல் இப்படி செய்துள்ளது. அதன் ஸ்கிரீன்ஷாட் மற்றும் வீடியோ என நிறைய ஆதாரம் எங்களிடம் உள்ளது" என தயாரிப்பாளர் கூறியுள்ளார். இந்த சம்பவம் அங்கு பரபரப்பை ஏற்படுத்தியுள்ளது.
ஒரு நாள் மட்டுமல்ல பல நாட்கள் கொண்டாடப்பட வேண்டியவர்கள் - ஆண்ட்ரியா
கோலிவுட் சினிமாவின் முன்னணி நடிகைகளில் ஒருவர் நடிகை ஆண்ட்ரியா. கண்ட நாள் முதல் என்ற படத்தில் சிறு வேடத்தில் நடித்தார். அதனை தொடர்ந்து பச்சைக்கிளி முத்துச்சரம் படத்தில் லீடிங்க ரோலில் நடித்தார். தொடர்ந்து பல படங்களில் முன்னணி நடிகர்களுடன் நடித்துள்ளார் ஆண்ட்ரியா.
பாடகியாகவும் வலம் வரும் ஆண்ட்ரியா, சினிமாவில் மட்டுமின்றி மேடை நிகழ்ச்சிகளையும் நடத்தி வருகிறார். அண்மையில் புரோக்கன் விங்ஸ் என்ற தலைப்பில் கவிதை வெளியிட்டார் ஆண்ட்ரியா. மேலும் திருமணமான நபர் ஒருவருடன் கொண்ட தொடர்பால் மனரீதியாகவும் உடல் ரீதியாகவும் பெரும் பாதிப்புக்கு ஆளானதாகவும் கூறினார்.
இதனால் தமிழ் சினிமாவில் பெரும் பரபரப்பு ஏற்பட்டது. யார் அந்த நபர் என்ற சர்ச்சையும் எழுந்தது. கிட்டதட்ட ஓராண்டாக படங்களில் நடிக்காமல் சிகிச்சை பெற்று வந்த ஆண்ட்ரியா தற்போது மீண்டும் நடிக்க தொடங்கியுள்ளார்.
விஜயின் மாஸ்டர் படத்தில் நடித்துள்ளார் ஆண்ட்ரியா. கடந்த மாதம் ரிலீஸ் ஆக வேண்டிய இந்தப் படம் லாக்டவுனால் இன்னும் ரிலீஸ் செய்யப்படாமல் உள்ளது. இந்நிலையில் நேற்று அன்னையர் தினத்தை முன்னிட்டு நடிகை ஆண்ட்ரியா தனது இன்ஸ்டா பக்கத்தில் தனது தயாருடன் இருக்கும் போட்டோ ஒன்றை ஷேர் செய்தார்.
அதில் நேற்று என் அம்மா இந்த போட்டோவை எனக்கு அனுப்பி அன்னையர் தினத்தில் இந்த போட்டோவை நீ போஸ்ட் செய்யலாம், நாம் இருவருமே நல்லா இருக்கோம் என்றார். அதனால் இந்த போட்டோவை நான் இங்கு ஷேர் செய்கிறேன்.
சென்டிமென்ட்ஸ்கெல்லாம் நான் ஆளில்லை, ஆனால் எல்லா அம்மாக்களும் ஒரு நாள் மட்டுமல்ல பல நாட்கள் அடிக்கடி கொண்டாடப்பட வேண்டியவர்கள். ஆகையால் அன்னையர் தின வாழ்த்துகள் இன்றும் மற்றும் எல்லா நாட்களும் என குறிப்பிட்டுள்ளார்.
அனைவரையும் போலவே தனது லாக்டவுன் நாட்களை வீட்டில் கழித்து வருகிறார் ஆண்ட்ரியா. இருப்பினும், அவர் மியூஸிக் மற்றும் குறும்படங்களில் பிஸியாக இருக்கிறார். சில நாட்களுக்கு முன்பு, அவர் புதிய சிங்கிள் ஒன்றை ரிலீஸ் செய்தார். முன்னதாக லாக் டவுனின் போது, ஆதவ் கண்ணதாசன் இயக்கிய ‘லாக் டவுன்' என்ற குறும்படத்தில் நடித்தார் என்பது குறிப்பிடத்தக்கது.
ஊரடங்கு காரணத்தால் மகள், பேத்தி முன் இரண்டாம் திருமணம் செய்த பிரபல தயாரிப்பாளர்
தெலுங்கு திரை உலகின் முன்னணி ஹீரோக்கள் பலர் நடித்த திரைப்படங்களை தயாரித்த பிரபல தயாரிப்பாளர் தில் ராஜு அவர்கள் நேற்று ஆந்திராவில் உள்ள கோவில் ஒன்றில் எளிமையாகத் திருமணம் செய்து கொண்டார்.
49 வயதான தில் ராஜு அவர்களின் முதல் மனைவி அனிதா என்பவர் கடந்த 2017ஆம் ஆண்டு மாரடைப்பு காரணமாக மரணம் அடைந்தார். இதனை அடுத்து அவரது மகள், தந்தையை இரண்டாவது திருமணம் செய்து கொள்ளும்படி வற்புறுத்தி வந்தார். இந்த நிலையில் சமீபத்தில் அவரது மகளுக்கு திருமணம் நடந்து பேத்தியும் பிறந்தது என்பது குறிப்பிடத்தக்கது.
இந்த நிலையில் மகளின் வற்புறுத்தல் காரணமாக நேற்று நிஜாமாபாத் பகுதியில் உள்ள கோவில் ஒன்றில் நடுத்தர வயது பெண் ஒருவரை திருமணம் செய்து கொண்டார். இது குறித்த புகைப்படங்கள் அவரது தயாரிப்பு நிறுவனத்தின் சமூக வலைத்தளத்தில் பதிவாகி உள்ளது. இன்று முதல் புதிய வாழ்க்கை ஒன்றை தொடங்குவதாக அதில் அவர் குறிப்பிட்டுள்ளார். இந்த திருமணம் அவரது மகள் மற்றும் பேத்தி முன்னிலையில் நடந்தது என்பது குறிப்பிடத்தக்கது.
ஊரடங்கு நேரத்தில் இந்தத் திருமணம் நடந்ததால் இருவீட்டாரின் முக்கிய உறுப்பினர்கள் மட்டுமே இந்த திருமணத்தில் கலந்து கொண்டனர் என்பதும் இருப்பினும் தெலுங்கு திரையுலகில் உள்ள பலரும் தில் ராஜூ அவர்களுக்கு வாழ்த்து தெரிவித்தனர் என்பது குறிப்பிடத்தக்கது
குளிக்கும்போதும் ஃபுல் மேக்கப் போட்டு குளிக்கும் நடிகை
தொலைக்காட்சியில் விஜேவாக இருந்து பிரபலமாகி அதன்பின் தமிழ் திரையுலகில் நடிகையாக மாறியவர் ரம்யா. விஜே ரம்யா சமீபத்தில் நடித்த ’ஆடை’ திரைப்படம் நல்ல வரவேற்பை பெற்றதை அடுத்து திரையுலகில் அவருக்குவாய்ப்புகள் குவிந்து வருகிறது என்பதும், தளபதி விஜய் நடித்துள்ள ‘மாஸ்டர்’ திரைப்படத்திலும் அவர் ஒரு முக்கிய கேரக்டரில் நடித்துள்ளார் என்பதும் குறிப்பிடத்தக்கது.
இந்த நிலையில் கொரோனா விடுமுறை காரணமாக அவ்வபோது தனது சமூக வலைத்தளத்தில் புகைப்படங்கள் மற்றும் வீடியோக்களை வெளியிட்டு வரும் விஜே ரம்யா தற்போது குளியல் புகைப்படம் ஒன்றையும் வெளியிட்டுள்ளார். கத்தரி வெயிலில் இருந்து தப்பிக்க இது போன்ற ஒரு குளியல் அவசியம் என்று அந்த புகைப்படத்தின் கீழே அவர் குறிப்பிட்டுள்ளார்.
இந்த புகைப்படம் சமூக வலைத்தளத்தில் வைரலாகியபோதிலும், அவர் இந்த புகைப்படத்தில் முழு மேக்கப்புடன் இருக்கிறார் என்பதால், ‘குளிக்கும் போது எதற்காக முழு மேக்கப்’ என்று நெட்டிசன்கள் கேள்வி எழுப்பி கிண்டல் அடித்து வருகிறார்கள். இருப்பினும் விஜே ரம்யாவின் குளியல் புகைப்படத்திற்கு ஆயிரக்கணக்கான லைக்ஸ் கிடைத்து வருகிறது என்பது குறிப்பிடத்தக்கது
குஷ்பூ வெளியிட்ட பிரபல இயக்குநர் மற்றும் ஹீரோவின் சிறுவயது புகைப்படம்
நடிகை குஷ்பு தனது இன்ஸ்டாகிராம் பக்கத்தில் புகைப்படம் ஒன்றை பகிர்ந்துள்ளார். அதில், தனது கணவரும் இயக்குநருமான சுந்தர்.சியின் சிறுவயது புகைப்படத்தை பகிர்ந்து, ''சில விஷயங்கள் எப்பொழுதுமே பொக்கிஷம் போன்றது. மிகவும் இளமையான சுந்தர்.சி நடுவில் தனது உறவினர்களுடன்'' என்று குறிப்பிட்டுள்ளார்.
நடிகை குஷ்பு நீண்ட இடைவேளைக்கு பிறகு சூப்பர் ஸ்டாருடன் 'அண்ணாத்த' படத்தில் நடித்து வருகிறார். சன் பிக்சர்ஸ் தயாரித்து வரும் இந்த படத்தை சிவா இயக்கி வருகிறார். இந்த படத்துக்கு டி.இமான் இசையமைக்கிறார். இந்த படத்தில் நயன்தாரா, மீனா, கீர்த்தி சுரேஷ், பிரகாஷ் ராஜ், சூரி , சதிஷ் உள்ளிட்டோர் முக்கிய வேடங்களில் நடித்துள்ளார்.
இயக்குநர் சுந்தர்.சி தற்போது 'அரண்மனை' படத்தின் மூன்றாம் பாகத்தை இயக்கி வருகிறார். இந்த படத்தில் ஆர்யா, ராஷி கண்ணா, சாக்ஷி அகர்வால் யோகி பாபு, விவேக் உள்ளிட்டோர் முக்கிய வேடங்களில் நடித்து வருகின்றனர். சத்யா இந்த படத்துக்கு இசையமைக்கிறார்.
- உலக செய்திகள்
- |
- சினிமா
